Hərbi xidmət və ali təhsil əmək stajına aid edilir?

Həmkarlarımız arasında ən çox mübahisə yaradan iki hala aydınlıq gətirmək istəyirik. Birinci hal işçinin müddətli hərbi xidmətinin və ali təhsilinin əmək stajına aid edilib-edilməməsidir.

“Hərbi qulluqçuların statusu haqqında” 25 dekabr 1991-ci il tarixli, 36 nömrəli Azərbaycan Respublikası Qanununun 9-cu maddəsinin 1-ci hissəsinə əsasən vətəndaşların həqiqi hərbi xidmət, bağlaşma üzrə xidmət keçdiyi dövr onların ümumi əmək stajına daxil edilir.

Əmək Məcəlləsinin 116-cı maddəsinin 2-ci hissəsinə əsasən əmək stajına görə əlavə məzuniyyətin müddəti işçinin işəgötürənlə əmək müqaviləsi bağlayaraq faktik olaraq işlədiyi dövrə əsasən müəyyən edilir. Bu əmək stajına işçinin əmək müqaviləsi üzrə faktik işlədiyi müddətdən başqa yalnız əmək qabiliyyətini müvəqqəti itirdiyi, habelə bu Məcəllənin 179-cu maddəsində nəzərdə tutulan hallarda iş yeri və orta əmək haqqı saxlanıldığı dövrlər daxil edilir.

“Normativ hüquqi aktlar haqqında” Azərbaycan Respublikasının Konstitusiya Qanununun 10.5-ci maddəsinə əsasən, yeni normativ hüquqi akt eyni məsələ üzrə həmin dövlət orqanı tərəfindən əvvəllər qəbul edilmiş normativ hüquqi akta münasibətdə daha yüksək hüquqi qüvvəyə malik olduğu üçün, Əmək Məcəlləsinin 116-cı maddəsinin 2-ci hissəsinə müvafiq qaydada işçilərə əlavə məzuniyyət günləri verilərkən işçinin işəgötürənlə əmək müqaviləsi bağlayaraq faktik olaraq işlədiyi dövr əmək stajı kimi qəbul edilir.

Həqiqi hərbi xidmət, bağlaşma üzrə hərbi xidmət dövründə, eləcə də təhsil müəssisəsində təhsil alan zaman vətəndaşlarla əmək müqaviləsi bağlanılmır. Bu səbəbdən həmin dövrlər əlavə məzuniyyət günlərinin verilməsində əmək stajı kimi nəzərə alınmır....