NƏZARƏT HÜQUQU! Vergi orqanı bütün vergi ödəyicilərində post quraşdıra biləcək?

1 yanvar 2022-ci ildən Vergi Məcəlləsində tətbiq edilməsi gözlənilən bəzi dəyişikliklər artıq hazırlanaraq müvafiq qurumlara təqdim edilib.


Vergi Məcəlləsinə təklif edilən dəyişiklərdən biri də, vergi orqanının hüquqlarının əhatə dairəsinin genişləndirilməsidir. Təklif edilən dəyişikliyə əsasən, malların, o cümlədən kənd təsərrüfatı məhsullarının topdan satışı ilə məşğul olan ticarət obyektlərində, bazarlarda nəzarət postlarının qurulmasını və bu obyektlərə bu Məcəllə ilə müəyyən edilmiş qaydada sənədləşdirilməyən, habelə əmtəə-nəqliyyat qaiməsi olmayan malların gətirilməsinin qarşısının alınması səlahiyyətlərini həyata keçirmək vergi orqanının hüquqlarına aid edilməsi nəzərdə tutulub.

Maddədən göründüyü kimi, dəyişiklik təsdiq olunduğu halda vergi orqanı vergi ödəyicilərində post qurmaqla, qanunvericiliyə uyğun olaraq sənədləşməyən habelə əmtəə-nəqliyyat qaiməsi olmayan malların gətirilməsinin qarşısının alınmasını planlaşdırır.



Vergi Məcəlləsinə təklif edilən dəyişikliyi də diqqətinizə çatdırırıq:



23.1.3-1.; malların, o cümlədən kənd təsərrüfatı məhsullarının topdan satışı ilə məşğul olan ticarət obyektlərində, bazarlarda nəzarət postlarının qurulmasını və bu obyektlərə bu Məcəllə ilə müəyyən edilmiş qaydada sənədləşdirilməyən, habelə əmtəə-nəqliyyat qaiməsi olmayan malların gətirilməsinin qarşısının alınması səlahiyyətlərini həyata keçirmək