Dəqiqləşdirilmiş bəyannaməni təqdim etməməyə görə maliyyə sanksiyası hesablanır?

Digər maraqlı məsələ isə dəqiqləşdirilmiş bəyannaməni təqdim etməməyə görə vergi ödəyicisinə maliyyə sanksiyasının tətbiq edilib-edilməməsidir.

Mİsal 7. Vergi ödəycisi 2020-ci ilin 3-cü rübü üzrə “Muzdlu işlə əlaqədar ödəmə mənbəyində tutulan vergi, məcburi dövlət sosial sığorta, işsizlikdən sığorta və icbari tibbi sığorta haqları bəyannaməsi (hesabatı)” təqdim edib. Vergi orqanı kameral yoxlama zamanı cari bəyannamədə qeyd edilən əmək haqqı gəlirlərinin elektron informasiya sistemindəki məbləğdən aşağı olmasını müəyyən edərək vergi ödəyicisindən dəqiqləşdirilmiş bəyannamə təqdim olunmasını tələb edib. Vergi ödəyicisi dəqiqləşdirilmiş bəyannamə təqdim etmədiyi halda, ona Vergi Məcəlləsinin 57.1-ci maddəsində nəzərdə tutulan 40 manat məbləğində maliyyə sanksiyası hesablanmayacaq.

Mİsal 8. Mənfəət (gəlir) vergisi ödəyicisi 15 oktyabr 2020-ci il tarixdə fəaliyyətini müvəqqəti dayandırıb. Vergi qanunvericiliyinə əsasən, mənfəət (gəlir) vergisi ödəyicisi fəaliyyətini dayandırdıqda, habelə vergi ödəyicisinin fəaliyyətinə xitam verildikdə 30 gün müddətində vergi orqanlarına bəyannamə verməlidir. Bu halda vergi ödəyicisinə hesabatı 15 noyabr 2020-ci il tarixdən gec təqdim edilməsinə görə Vergi Məcəlləsinin 57.1-ci maddəsinə əsasən 40 manat maliyyə sanksiyası tətbiq ediləcək.