İcarə fəaliyyətinə görə məcburi dövlət sosial sığorta haqqı ödənilir?

“Sosial sığorta haqqında” Azərbaycan Respublikasının Qanununun 15-ci maddəsinə əsasən, muzdlu işə və sahibkarlıq fəaliyyətinə aid olmayan gəlirlər, o cümlədən əmlakın icarəyə verilməsindən gəlirə məcburi dövlət sosial sığorta haqqı hesablanmır.

“Sosial sığorta haqqında” AR Qanununa edilən son dəyişikliyə əsasən, sığortaedənin işçilərin sosial xarakterli xərclərinin çəkilməsinin nəticəsi kimi əldə edilən gəlirlərindən, o cümlədən üçüncü tərəfə ödədiyi vəsaitdən məcburi dövlət sosial sığorta haqqı hesablanmır.

Dəyişikliyə qədər, sığortaedənin işçilərinin yeməklə təmin edilməsi ilə bağlı üçüncü tərəfə ödədiyi vəsait sosial sığorta ayırmalarına cəlb edilirdi. Yeni dəyişiklikdən sonra işəgötürən hətta işçinin yaşayış üçün kirayə haqqını icarədara ödəyirsə, həmin məbləğ də sosial ayırmalara cəlb olunmayacaq.