Ciddi hesabatın tətbiq edilməməsinə görə cərimə və sanskiya hesablanır?

Sual: Salam. Şirkəti özünün daxili sənədləşmələrindən istifadə etməklə uçot aparması ilə Maliyyə Nazirliyinin təsdiq etdiyi ciddi hesabat blanklarının tətbiq edilməməsinə görə hansı cərimə və sanksiyalar gözləyir?

Vusal Rzayev

Cavab:Sualınza cavab olaraq, Vergi Məcəlləsinin 130-cu maddəsinə diqqət yetirək:

Maddə 130. Gəlirin və xərcin uçotu qaydası

130.1. Vergi ödəyicisi vergi tutulan gəlirin (mənfəətin) dəqiq əks etdirilməsi üçün sənədləşdirilmiş məlumat əsasında gəlirlərinin və xərclərinin vaxtlı-vaxtında dəqiq uçotunu aparmağa, bu fəsilə uyğun şəkildə tətbiq edilən uçot metodundan asılı olaraq gəlirlərini və xərclərini onların əldə edildiyi və ya çəkildiyi müvafiq hesabat dövrlərinə aid etməyə borcludur. Vergi ödəyicisinin istifadə etdiyi uçot metodunda xərclərin və daxilolmaların müddətləri və uçotu qaydasına dair bütün tələblər nəzərə alınmalıdır.
Gəlirlərin və xərclərin uçotunu hüquqi və fiziki şəxslər Azərbaycan Respublikasının müvafiq qanunvericiliyinə uyğun olaraq aparırlar. Vergitutma məqsədləri üçün gəlirlər və xərclər bu Məcəlləyə əsasən müəyyən edilir.

130.1-1. İqtisadi fəaliyyət sahələri üzrə vergitutma məqsədləri üçün gəlirlərin və xərclərin uçotunun aparılması qaydaları müvafiq icra hakimiyyəti orqanı tərəfindən müəyyən edilir.

Vergi Məcəlləsinin maddəsində qeyd edilən qaydalara əsasən formalar təsdiq edilib. Vergi orqanları Əməliyyatların xüsusiyyətinə, tərtib edilmiş sənədlərə, çatışmayan sənədlərə, əməliyyatların həqiqiliyinə və digər faktlaraa görə 58-ci maddə ilə müəyyən maliyyə sanksiyaları tədbiq edə bilər.
Yəni, ciddi hesabat blankların tətbiq edilməməsi gəlilərin və ya xərclərin azaldılması kimi qiymətləndirilə bilər.
Əlavə təsdiqləmələr, sənədlər və digər addımlar əsasında müəyyənləşdirilmiş sübutlar gəlirlər və xərclər təsdiq olunarsa, məsələyə başqa formada baxılması da mümkündür.