az
Mənzil xərclərinin gəlirdən çıxılması ilə bağlı 2 tələb hansıdır?
Mənzil xərclərinin gəlirdən çıxılması ilə bağlı 2 tələb hansıdır?
Nazirlər Kabinetinin 492 saylı qərarına əsasən, işçilərlə bağlı vergi ili ərzində çəkilmiş mənzil (yaşayış mənzillərinin və fərdi yaşayış evlərinin kirayələnməsi) xərclərinin 50 faizi, lakin əldə edilmiş illik gəlirin 1 (bir) faizindən çox olmamaqla, vergitutma məqsədləri üçün gəlirdən çıxılır.
Maddənin tələblərindən göründüyü kimi, mənzil xərci üçün iki limit müəyyən edilib:
- çəkilmiş mənzil (yaşayış mənzillərinin və fərdi yaşayış evlərinin kirayələnməsi) xərclərinin 50 faizi;
- əldə edilmiş illik gəlirin 1 faizindən çox olmaması şərtilə.
Misal 1. İşəgötürən 3000 manat əmək haqqı alan işçiyə aylıq 600 manat məbləğində kirayə xərci ödəyir. 1 yanvar 2024-cü il tarixə qədər işəgötürən tərəfindən gəlir vergisinin hesablanması 3 600 manat (3 000 manat (əmək haqqı) + 600 manat (kirayə haqqı)) üzərindən həyata keçirilirdi. Nazirlər Kabinetinin qərarında işçiyə nağdsız formada ödənilən kirayə xərcinin 50 faizi norma daxilində müəyyən edildiyi üçün işçinin aylıq gəliri 3 600 manat yox, 3 300 manat (3 000 manat (əmək haqqı) + 600 manat x 50 faiz (şərti norma)) müəyyən ediləcək. Həmçinin, aylıq 300 manat (600 manat (mənzil xərci) x 50 faiz) məbləğində xərcin gəlirdən çıxılmasına icazə veriləcək.
Misal 2. Vergi ödəyicisi işçi üçün aylıq ödənişi 10 000 manat olan mənzil kirayə edir. Vergi ödəyicinin illik gəliri 2 000 000 manatdır. İşəgötürənin 12 ay ərzində işçiyə görə ödədiyi və gəlirdən çıxılmasına icazə verilən mənzil xərci 60 000 manat (10 000 manat (aylıq kirayə haqqı) x 12 ay x 50 faiz) təşkil edir. Vergi ödəyicisinin ilik gəlirinin bir faizi 20 000 manatdır: 2 milyon manat (illik gəlir) x 1 faiz (Nazirlər Kabinetinin qərarı ilə müəyyən edilən faiz). Bu zaman vergi ödəyicisi gəlirdən çıxılan xərc kimi 60 000 manatı yox, 20 000 manatı qeyd etməlidir.
Nazirlər Kabinetinin 492 saylı qərarına əsasən, işçilərlə bağlı vergi ili ərzində çəkilmiş mənzil (yaşayış mənzillərinin və fərdi yaşayış evlərinin kirayələnməsi) xərclərinin 50 faizi, lakin əldə edilmiş illik gəlirin 1 (bir) faizindən çox olmamaqla, vergitutma məqsədləri üçün gəlirdən çıxılır.
Maddənin tələblərindən göründüyü kimi, mənzil xərci üçün iki limit müəyyən edilib:
- çəkilmiş mənzil (yaşayış mənzillərinin və fərdi yaşayış evlərinin kirayələnməsi) xərclərinin 50 faizi;
- əldə edilmiş illik gəlirin 1 faizindən çox olmaması şərtilə.
Misal 1. İşəgötürən 3000 manat əmək haqqı alan işçiyə aylıq 600 manat məbləğində kirayə xərci ödəyir. 1 yanvar 2024-cü il tarixə qədər işəgötürən tərəfindən gəlir vergisinin hesablanması 3 600 manat (3 000 manat (əmək haqqı) + 600 manat (kirayə haqqı)) üzərindən həyata keçirilirdi. Nazirlər Kabinetinin qərarında işçiyə nağdsız formada ödənilən kirayə xərcinin 50 faizi norma daxilində müəyyən edildiyi üçün işçinin aylıq gəliri 3 600 manat yox, 3 300 manat (3 000 manat (əmək haqqı) + 600 manat x 50 faiz (şərti norma)) müəyyən ediləcək. Həmçinin, aylıq 300 manat (600 manat (mənzil xərci) x 50 faiz) məbləğində xərcin gəlirdən çıxılmasına icazə veriləcək.
Misal 2. Vergi ödəyicisi işçi üçün aylıq ödənişi 10 000 manat olan mənzil kirayə edir. Vergi ödəyicinin illik gəliri 2 000 000 manatdır. İşəgötürənin 12 ay ərzində işçiyə görə ödədiyi və gəlirdən çıxılmasına icazə verilən mənzil xərci 60 000 manat (10 000 manat (aylıq kirayə haqqı) x 12 ay x 50 faiz) təşkil edir. Vergi ödəyicisinin ilik gəlirinin bir faizi 20 000 manatdır: 2 milyon manat (illik gəlir) x 1 faiz (Nazirlər Kabinetinin qərarı ilə müəyyən edilən faiz). Bu zaman vergi ödəyicisi gəlirdən çıxılan xərc kimi 60 000 manatı yox, 20 000 manatı qeyd etməlidir.