Pensiyalar bu qədər artırılacaq - Nazir açıqladı

Pensiyalar bu qədər artırılacaq - Nazir açıqladı



"Hər il ölkə başçısının müvafiq sərəncamına əsasən əmək pensiyalarının indeksləşdirilməsi həyata keçirilir".

Bu fikirləri əmək və əhalinin sosial müdafiəsi naziri Anar Əliyev deyib. 2026-cı ildə də 1.1 milyon vətəndaşın pensiyalarının indeksləşdirilməsi nəzərdə tutulub:

"İndeksasiyanın təqribən 9 faiz səviyyəsində həyata keçirilməsi təmin olunacaq. Mexanizm Dövlət Statistika Komitəsi (DSK) tərəfindən elan edilən əvvəlki il üzrə orta aylıq əməkhaqqının artım tempinə uyğun olaraq tətbiq edilir. Qeyd olunan qurum bu rəqəmləri elan etdikdən sonra indeksasiyanın dəqiq məbləği müəyyənləşəcək. Həmçinin işləyən şəxslərin fərdi şəxsi hesablarında qeydə alınmış pensiya kapitallarının da indeksləşdirilməsi 2026-cı ildə nəzərdə tutulub".

2026-cı ildə də əhalinin aktiv məşğulluq tədbirlərinə cəlb olunması həm nazirlik, həm də Dövlət Məşğulluq Agentliyi üçün əsas prioritetlərdən biri olacaq:

"Agentlik 2026-cı ildə 400 minə yaxın şəxsin aktiv məşğulluq tədbirlərinə cəlb olunacağını proqnozlaşdırır".