az
İşçi məzuniyyətdə olduqda əmək müqaviləsinin vaxtı bitərsə...
İşçi məzuniyyətdə olduqda əmək müqaviləsinin vaxtı bitərsə...
Qanunvericiliyə əsasən, əmək müqavilələri müddətsiz və ya müddətli bağlanıla bilər. Müddətli əmək müqaviləsi tərəflərin razılaşdığı müddətə bağlanılır. Əmək müqaviləsində onun hansı müddətə bağlanılması göstərilməmişdirsə, həmin müqavilə müddətsiz bağlanmış hesab edilir.
Bəs işçi məzuniyyətdə olarkən müqavilənin müddəti bitdikdə əmək münasibətləri necə tənzimlənir? suala ekspert Kəmalə Yusifova aydınlıq gətirir.
Əmək funksiyasının yerinə yetirilməsi şərtlərinə görə işin və ya göstərilən xidmətlərin daimi xarakter daşıdığı qabaqcadan bəlli olduğu hallarda, Əmək Məcəllənin 47-ci maddəsi ilə müəyyən edilmiş hallar istisna olmaqla, əmək müqaviləsi müddəti müəyyən edilmədən bağlanılmalıdır. Müddətli əmək müqaviləsi fasiləsiz olaraq 5 ildən artıq müddətə davam edərsə, müddətsiz əmək müqaviləsi hesab edilir.
Əmək müqaviləsinə xitam verilməsinin əsaslarından biri də onun müddətinin başa çatmasıdır. Əmək Məcəlləsinin 73-cu maddəsində göstərilir ki, müddətli əmək müqaviləsinə müddəti bitdikdə xitam verilir. Müddətli əmək müqaviləsinin müddətinin bitməsinə azı bir həftə qalmış tərəflərdən heç biri digər tərəfi müddətin bitməsinə görə müqaviləyə xitam verilməsi barədə yazılı formada (kağız daşıyıcıda və ya elektron informasiya sistemi vasitəsilə) xəbərdar etməzsə, həmin əmək müqaviləsi əmək müqaviləsində göstərilən müddətə uzadılır və ya Əmək Məcəllənin 45-ci maddəsinin 5-ci hissəsi ilə müəyyən edilmiş hallarda müddətsiz hesab olunur. İşçinin müəyyən üzürlü səbəbdən (xəstələnməsi, ezamiyyətdə, məzuniyyətdə olması, habelə əmək Məcəllənin 179-cu maddəsində nəzərdə tutulan iş yeri və orta əməkhaqqı saxlandığı hallarda) iş yerində olmadığı dövrdə müddətli əmək müqaviləsinin müddəti qurtardığı hallarda, həmin müqaviləyə azı 1 həftə əvvəl müddətin bitməsi və xitam edilməsi haqda nəzərdə tutulmuş qaydada xəbərdar edilmişdirsə, işçi işə çıxdığı gün işəgötürən tərəfindən müqaviləyə xitam verilə bilər.
Misal 1: İşçinin əmək müqaviləsinin müddəti 14 yanvar 2026-cı ildə bitir. İşçi 7 yanvar 2026-ci il tarixindən 22 yanvar 2026-cı il tarixinədək məzuniyyətdədir və 23 yanvar tarixində işə çıxacaq. İşçinin müqaviləsinin bitməsi və xitam edilməsi ilə bağlı 5 yanvar 2026-cı il tarixində bildiriş verilib. Bu halda, işçinin əmək müqaviləsinin müddəti məzuniyyət dövrünə təsadüf etdiyi üçün işə çıxdığı gün, yəni 23 yanvar 2026-cı ildə həmin müqaviləyə xitam veriləcək.
Misal 2: İşçinin əmək müqaviləsinin müddəti 14 yanvar 2026-cı ildə bitir. İşçi 7 yanvar 2026-ci il tarixdən 22 yanvar 2026-cı il tarixinədək məzuniyyətdədir və 23 yanvar tarixində işə çıxacaq. İşçinin müqaviləsinin bitməsi və xitam edilməsi ilə bağlı hər hansı bildiriş verilməyib. Bu halda, işçinin əmək müqaviləsinin müddəti əmək müqaviləsində göstərilən müddətə uzadılır.
Qanunvericiliyə əsasən, əmək müqavilələri müddətsiz və ya müddətli bağlanıla bilər. Müddətli əmək müqaviləsi tərəflərin razılaşdığı müddətə bağlanılır. Əmək müqaviləsində onun hansı müddətə bağlanılması göstərilməmişdirsə, həmin müqavilə müddətsiz bağlanmış hesab edilir.
Bəs işçi məzuniyyətdə olarkən müqavilənin müddəti bitdikdə əmək münasibətləri necə tənzimlənir? suala ekspert Kəmalə Yusifova aydınlıq gətirir.
Əmək funksiyasının yerinə yetirilməsi şərtlərinə görə işin və ya göstərilən xidmətlərin daimi xarakter daşıdığı qabaqcadan bəlli olduğu hallarda, Əmək Məcəllənin 47-ci maddəsi ilə müəyyən edilmiş hallar istisna olmaqla, əmək müqaviləsi müddəti müəyyən edilmədən bağlanılmalıdır. Müddətli əmək müqaviləsi fasiləsiz olaraq 5 ildən artıq müddətə davam edərsə, müddətsiz əmək müqaviləsi hesab edilir.
Əmək müqaviləsinə xitam verilməsinin əsaslarından biri də onun müddətinin başa çatmasıdır. Əmək Məcəlləsinin 73-cu maddəsində göstərilir ki, müddətli əmək müqaviləsinə müddəti bitdikdə xitam verilir. Müddətli əmək müqaviləsinin müddətinin bitməsinə azı bir həftə qalmış tərəflərdən heç biri digər tərəfi müddətin bitməsinə görə müqaviləyə xitam verilməsi barədə yazılı formada (kağız daşıyıcıda və ya elektron informasiya sistemi vasitəsilə) xəbərdar etməzsə, həmin əmək müqaviləsi əmək müqaviləsində göstərilən müddətə uzadılır və ya Əmək Məcəllənin 45-ci maddəsinin 5-ci hissəsi ilə müəyyən edilmiş hallarda müddətsiz hesab olunur. İşçinin müəyyən üzürlü səbəbdən (xəstələnməsi, ezamiyyətdə, məzuniyyətdə olması, habelə əmək Məcəllənin 179-cu maddəsində nəzərdə tutulan iş yeri və orta əməkhaqqı saxlandığı hallarda) iş yerində olmadığı dövrdə müddətli əmək müqaviləsinin müddəti qurtardığı hallarda, həmin müqaviləyə azı 1 həftə əvvəl müddətin bitməsi və xitam edilməsi haqda nəzərdə tutulmuş qaydada xəbərdar edilmişdirsə, işçi işə çıxdığı gün işəgötürən tərəfindən müqaviləyə xitam verilə bilər.
Misal 1: İşçinin əmək müqaviləsinin müddəti 14 yanvar 2026-cı ildə bitir. İşçi 7 yanvar 2026-ci il tarixindən 22 yanvar 2026-cı il tarixinədək məzuniyyətdədir və 23 yanvar tarixində işə çıxacaq. İşçinin müqaviləsinin bitməsi və xitam edilməsi ilə bağlı 5 yanvar 2026-cı il tarixində bildiriş verilib. Bu halda, işçinin əmək müqaviləsinin müddəti məzuniyyət dövrünə təsadüf etdiyi üçün işə çıxdığı gün, yəni 23 yanvar 2026-cı ildə həmin müqaviləyə xitam veriləcək.
Misal 2: İşçinin əmək müqaviləsinin müddəti 14 yanvar 2026-cı ildə bitir. İşçi 7 yanvar 2026-ci il tarixdən 22 yanvar 2026-cı il tarixinədək məzuniyyətdədir və 23 yanvar tarixində işə çıxacaq. İşçinin müqaviləsinin bitməsi və xitam edilməsi ilə bağlı hər hansı bildiriş verilməyib. Bu halda, işçinin əmək müqaviləsinin müddəti əmək müqaviləsində göstərilən müddətə uzadılır.