Mikro sahibkarın 7000 manat gəliri üzrə sosial sığorta haqqı nə qədərdir?

Mikro sahibkarın 7000 manat gəliri üzrə sosial sığorta haqqı nə qədərdir?



Mikro sahibkar (fiziki şəxs) gəlir və xərclərin uçotunu kassa metodu ilə aparır. 2026-cı ilin yanvar ayında 5000 manatlıq mal satıb və e-qaimə təqdim edib, lakin 4000 manat ödəniş alıb. Bundan əlavə, 2025-ci ildən qalan 3000 manat debitor borc yanvar ayında daxil olub. 2026-cı ilin yanvar ayı üzrə sosial sığorta haqqı hansı məbləğdən və nə qədər hesablanmalıdır?

Vergi Məcəlləsinin 132-ci maddəsinə əsasən kassa metodu tətbiq edilərkən gəlir pul vəsaiti faktiki daxil olduğu anda əldə edilmiş sayılır. Bu halda 2026-cı ilin yanvar ayında sahibkarın gəliri faktiki daxil olan vəsait — 4000 manat (cari satışdan) + 3000 manat (keçmiş dövrün debitor borcu) olmaqla 7000 manat təşkil edir.

Sosial sığorta haqqında Qanunun 14.5.1-ci maddəsinə əsasən mikro sahibkar məcburi dövlət sosial sığorta haqqını gəlirlərinin (xərclər çıxılmadan) 2 faizi məbləğində ödəyir.

Beləliklə, 2026-cı ilin yanvar ayı üçün sosial sığorta haqqı:
7000 manat × 2% = 140 manat təşkil edir.

(Qeyd: Məbləğ minimum aylıq əməkhaqqının 15%-dən az və 100%-dən çox olmamaq şərti ilə hesablanır.)