Ödəniş tapşırığında “Malların təhvil-qəbul aktı” sənədini qeyd etməsinə görə maliyyə sanksiyası hansı halda tətbiq edilməyəcək?

Vergi Məcəlləsinin 57-ci maddəsi üzrə yeni maliyyə sanksiyası ödəmə tapşırığında lazımi məlumatların qeyd edilməməsinə görədir. Vergi Məcəlləsinin 57.7-ci maddəsinə əsasən, Məcəllənin 16.11-ci maddəsində nəzərdə tutulan məlumatları ödəmə tapşırığında göstərməyən və ya təhrif edilməklə göstərən vergi ödəyicisinə vergi orqanının rəhbərinin (onun müavininin) qərarına əsasən hər belə ödəmə tapşırığına görə 100 manat məbləğində maliyyə sanksiyası tətbiq ediləcək.

…

Misal 5. Vergi ödəyicisi əvvəlcədən sifariş edilməyən malları “Malların təhvil-qəbul aktı” ilə 10 mart 2022-ci ildə qəbul edib. Vergi ödəyicisi 11 mart 2022-ci il tarixdə mallar üzrə ödəniş edərkən, “Malların təhvil-qəbul aktı”nın tarixini və nömrəsini qeyd edə bilər. Çünki Vergi Məcəlləsinin 71-1.1.2-ci maddəsinə əsasən, əvvəlcədən sifariş edilməyən malların təqdim edilməsi üzrə – malların təhvil verilməsini təsdiq edən sənədin verildiyi tarixdən 5 gün müddətində elektron qaimə-faktura təqdim edilməlidir.

Misal 6. Vergi ödəyicisi əvvəlcədən sifariş edilməyən malları “Malların təhvil-qəbul aktı” ilə 4 mart 2022-ci ildə qəbul edib. Qarşı tərəf malların təhvil verilməsini təsdiq edən sənədin verildiyi tarixdən 5 gün müddət keçsə də, elektron qaimə-fakturanı təqdim etməyib. Malları qəbul edən vergi ödəyicisi 15 mart 2021-ci il tarixdə “Malların təhvil-qəbul aktı”nın rekviziləri ilə ödənişi həyata keçriib. Əvvəlcədən sifariş edilməyən mallar üzrə 5 gün ərzində elektron qaimə-fakturanın göndərilməsi məsuliyyəti malları təqdim edən şəxsin üzərində olsa da, həmin müddətdən sonra ödənişi “Malların təhvil-qəbul aktı” ilə həyata keçirən vergi ödəyicisinə Vergi Məcəlləsinin 57.7-ci maddəsinə əsasən, 100 manat məbləğində maliyyə sanksiyası tətbiq edilə bilər.