az
Əməkhaqqının strukturu nədən ibarətdir və əsas iş yerində tətbiq olunan vergi güzəşti necə hesablanır?
Əməkhaqqının strukturu nədən ibarətdir və əsas iş yerində tətbiq olunan vergi güzəşti necə hesablanır?
Vergi Məcəlləsinin 13.2.34-cü maddəsinə əsasən, muzdlu iş əmək qanunvericiliyinə uyğun olaraq müqavilə əsasında haqqı ödənilməklə yerinə yetirilən əmək fəaliyyətidir. Bu zaman muzdla işləyən fiziki şəxs “işçi”, onun əməyinin haqqını ödəyən şəxs “işəgötürən”, ödənilən vəsait isə “əməkhaqqı” hesab olunur.
Əmək Məcəlləsinin 157.3-cü maddəsinə əsasən, əməkhaqqının tərkibinə aylıq vəzifə maaşı, əlavələr və mükafatlar daxildir. Vəzifə maaşı işin mürəkkəbliyi, əməyin gərginliyi və işçinin ixtisas səviyyəsinə görə müəyyən edilən əsas hissədir. Əməkhaqqına əlavələr əmək şəraiti ilə bağlı kompensasiya və ya həvəsləndirmə məqsədilə verilən əlavə ödənişlərdir. Mükafat isə işçinin əməyinin kəmiyyət və keyfiyyətinin artırılmasına marağını yüksəltmək üçün nəzərdə tutulan həvəsləndirici ödənişdir.
Fiziki şəxslərin muzdlu əməkdən əldə etdikləri gəlirlərə müəyyən güzəştlərin tətbiqi sosial ədalətin təmin olunmasına xidmət edir. Vergi Məcəlləsinin 102.1.6-cı maddəsinə əsasən, fiziki şəxsin əsas iş yerində muzdlu işlə bağlı aylıq gəliri 2.500 manatadək olduqda, həmin gəlirin 200 manatlıq hissəsi vergidən azaddır. Bu halda işçi 2.500 manat əməkhaqqı aldıqda onun yalnız 2.300 manatı gəlir vergisinə cəlb olunur.
Vergi Məcəlləsinin 13.2.34-cü maddəsinə əsasən, muzdlu iş əmək qanunvericiliyinə uyğun olaraq müqavilə əsasında haqqı ödənilməklə yerinə yetirilən əmək fəaliyyətidir. Bu zaman muzdla işləyən fiziki şəxs “işçi”, onun əməyinin haqqını ödəyən şəxs “işəgötürən”, ödənilən vəsait isə “əməkhaqqı” hesab olunur.
Əmək Məcəlləsinin 157.3-cü maddəsinə əsasən, əməkhaqqının tərkibinə aylıq vəzifə maaşı, əlavələr və mükafatlar daxildir. Vəzifə maaşı işin mürəkkəbliyi, əməyin gərginliyi və işçinin ixtisas səviyyəsinə görə müəyyən edilən əsas hissədir. Əməkhaqqına əlavələr əmək şəraiti ilə bağlı kompensasiya və ya həvəsləndirmə məqsədilə verilən əlavə ödənişlərdir. Mükafat isə işçinin əməyinin kəmiyyət və keyfiyyətinin artırılmasına marağını yüksəltmək üçün nəzərdə tutulan həvəsləndirici ödənişdir.
Fiziki şəxslərin muzdlu əməkdən əldə etdikləri gəlirlərə müəyyən güzəştlərin tətbiqi sosial ədalətin təmin olunmasına xidmət edir. Vergi Məcəlləsinin 102.1.6-cı maddəsinə əsasən, fiziki şəxsin əsas iş yerində muzdlu işlə bağlı aylıq gəliri 2.500 manatadək olduqda, həmin gəlirin 200 manatlıq hissəsi vergidən azaddır. Bu halda işçi 2.500 manat əməkhaqqı aldıqda onun yalnız 2.300 manatı gəlir vergisinə cəlb olunur.