az
ƏDV ödənişlərində texniki uyğunsuzluq: əvəzləşdirmə mümkündürmü?
ƏDV ödənişlərində texniki uyğunsuzluq: əvəzləşdirmə mümkündürmü?
Məlumat üçün bildiririk ki, tərəfimizdən aparılan əməliyyatlar zamanı texniki səbəblərdən ƏDV ödənişlərində müəyyən uyğunsuzluq yaranmışdır. Belə ki, xidmət göstərən şirkət tərəfindən 5 aprel tarixində 5 900 AZN, 20 aprel tarixində isə 11 800 AZN məbləğində ƏDV daxil elektron qaimə-fakturalar təqdim olunmuşdur.
Texniki səhv nəticəsində 5 aprel tarixli elektron qaimə üzrə ƏDV məbləği tam şəkildə müştərinin depozit hesabına köçürülmüş, nəticədə artıq ödəniş yaranmışdır. Bu artıq məbləğ nəzərə alınaraq 20 aprel tarixli qaimə üzrə ödəniş zamanı ƏDV məbləği müvafiq olaraq azaldılaraq həyata keçirilmişdir.
Nəticə etibarilə, hər iki qaimə üzrə həm əsas məbləğ, həm də ƏDV öhdəlikləri tam şəkildə yerinə yetirilmiş, yalnız ƏDV məbləğinin qaimələr üzrə bölgüsündə fərqlilik yaranmışdır.
Vergi qanunvericiliyinə əsasən, ƏDV-nin əvəzləşdirilməsi Vergi Məcəlləsinin 175-ci maddəsi ilə tənzimlənir. Həmin maddəyə görə, alınmış mallar (işlər, xidmətlər) üzrə ƏDV məbləği yalnız dəyərin və ona mütənasib ƏDV-nin tam ödənildiyi halda əvəzləşdirilə bilər. Bu baxımdan, göstərilən əməliyyatlar üzrə ümumi ödənişlər tam həyata keçirildiyi üçün müvafiq hesabat dövründə ƏDV-nin əvəzləşdirilməsi mümkündür.
Bununla belə, yaranmış texniki uyğunsuzluğun gələcəkdə hər hansı vergi riski və ya maliyyə sanksiyasına səbəb olmaması üçün əməliyyatların təsdiqedici sənədlərlə birlikdə qeydiyyatda olduğunuz vergi orqanına təqdim edilməsi tövsiyə olunur.
Məlumat üçün bildiririk ki, tərəfimizdən aparılan əməliyyatlar zamanı texniki səbəblərdən ƏDV ödənişlərində müəyyən uyğunsuzluq yaranmışdır. Belə ki, xidmət göstərən şirkət tərəfindən 5 aprel tarixində 5 900 AZN, 20 aprel tarixində isə 11 800 AZN məbləğində ƏDV daxil elektron qaimə-fakturalar təqdim olunmuşdur.
Texniki səhv nəticəsində 5 aprel tarixli elektron qaimə üzrə ƏDV məbləği tam şəkildə müştərinin depozit hesabına köçürülmüş, nəticədə artıq ödəniş yaranmışdır. Bu artıq məbləğ nəzərə alınaraq 20 aprel tarixli qaimə üzrə ödəniş zamanı ƏDV məbləği müvafiq olaraq azaldılaraq həyata keçirilmişdir.
Nəticə etibarilə, hər iki qaimə üzrə həm əsas məbləğ, həm də ƏDV öhdəlikləri tam şəkildə yerinə yetirilmiş, yalnız ƏDV məbləğinin qaimələr üzrə bölgüsündə fərqlilik yaranmışdır.
Vergi qanunvericiliyinə əsasən, ƏDV-nin əvəzləşdirilməsi Vergi Məcəlləsinin 175-ci maddəsi ilə tənzimlənir. Həmin maddəyə görə, alınmış mallar (işlər, xidmətlər) üzrə ƏDV məbləği yalnız dəyərin və ona mütənasib ƏDV-nin tam ödənildiyi halda əvəzləşdirilə bilər. Bu baxımdan, göstərilən əməliyyatlar üzrə ümumi ödənişlər tam həyata keçirildiyi üçün müvafiq hesabat dövründə ƏDV-nin əvəzləşdirilməsi mümkündür.
Bununla belə, yaranmış texniki uyğunsuzluğun gələcəkdə hər hansı vergi riski və ya maliyyə sanksiyasına səbəb olmaması üçün əməliyyatların təsdiqedici sənədlərlə birlikdə qeydiyyatda olduğunuz vergi orqanına təqdim edilməsi tövsiyə olunur.