az
Kart ödənişləri üzrə yeni komissiya limitləri bu gündən qüvvəyə minib
Kart ödənişləri üzrə yeni komissiya limitləri bu gündən qüvvəyə minib
İyunun 1-dən etibarən Azərbaycanda ödəniş kartları ilə həyata keçirilən əməliyyatlar üzrə xidmət haqqı tariflərinin (interçeync komissiyalarının) yuxarı hədləri tətbiq edilməyə başlanıb. Bununla bağlı qərar Azərbaycan Mərkəzi Bankının sədri Taleh Kazımov tərəfindən imzalanıb.
Qərara əsasən, ölkə daxilində ödəniş kartları vasitəsilə həyata keçirilən əməliyyatlarda müəyyən fəaliyyət sahələri üzrə tətbiq olunan interçeync komissiyalarına maksimum limitlər müəyyən edilib. Belə ki, aptek və supermarket kateqoriyasına aid ticarət obyektlərində aparılan ödənişlər üzrə interçeync komissiyasının yuxarı həddi əməliyyat məbləğinin 1,25 faizi səviyyəsində müəyyən olunub. Yanacaqdoldurma məntəqələrində həyata keçirilən ödənişlər üzrə bu göstərici 0,75 faiz, digər ümumi kateqoriyalı əməliyyatlar üzrə isə 1,5 faiz təşkil edir.
Mərkəzi Bankın qərarında qeyd olunur ki, sözügedən tariflər ödəniş sistemləri iştirakçıları arasında tətbiq edilən xidmət haqlarına aiddir və kart ekosistemində daha şəffaf və balanslı tarif siyasətinin formalaşdırılmasına xidmət edir. Eyni zamanda, müəyyən edilmiş kateqoriyalara daxil olmayan digər MCC kodları üzrə ölkədaxili kart əməliyyatlarında interçeync komissiyalarına hər hansı yuxarı hədd tətbiq olunmur.
Qeyd edək ki, MCC (Merchant Category Code) kodları ticarət və xidmət obyektlərinin fəaliyyət sahəsini müəyyən edən beynəlxalq təsnifat kodlarıdır və hər bir sahibkarlıq subyekti fəaliyyət istiqamətinə uyğun olaraq müvafiq kodla təsnifləşdirilir.
Yeni tariflər 1 iyun 2026-cı il tarixindən qüvvəyə minib və qərar qanunvericiliyə uyğun olaraq Azərbaycan Respublikasının Hüquqi Aktların Dövlət Reyestrinə təqdim olunacaq. Mütəxəssislərin fikrincə, yeni yanaşma kart ödənişləri bazarında tariflərin tənzimlənməsinə, nağdsız ödənişlərin inkişafına və maliyyə xidmətləri sektorunda rəqabət mühitinin gücləndirilməsinə müsbət təsir göstərəcək.
İyunun 1-dən etibarən Azərbaycanda ödəniş kartları ilə həyata keçirilən əməliyyatlar üzrə xidmət haqqı tariflərinin (interçeync komissiyalarının) yuxarı hədləri tətbiq edilməyə başlanıb. Bununla bağlı qərar Azərbaycan Mərkəzi Bankının sədri Taleh Kazımov tərəfindən imzalanıb.
Qərara əsasən, ölkə daxilində ödəniş kartları vasitəsilə həyata keçirilən əməliyyatlarda müəyyən fəaliyyət sahələri üzrə tətbiq olunan interçeync komissiyalarına maksimum limitlər müəyyən edilib. Belə ki, aptek və supermarket kateqoriyasına aid ticarət obyektlərində aparılan ödənişlər üzrə interçeync komissiyasının yuxarı həddi əməliyyat məbləğinin 1,25 faizi səviyyəsində müəyyən olunub. Yanacaqdoldurma məntəqələrində həyata keçirilən ödənişlər üzrə bu göstərici 0,75 faiz, digər ümumi kateqoriyalı əməliyyatlar üzrə isə 1,5 faiz təşkil edir.
Mərkəzi Bankın qərarında qeyd olunur ki, sözügedən tariflər ödəniş sistemləri iştirakçıları arasında tətbiq edilən xidmət haqlarına aiddir və kart ekosistemində daha şəffaf və balanslı tarif siyasətinin formalaşdırılmasına xidmət edir. Eyni zamanda, müəyyən edilmiş kateqoriyalara daxil olmayan digər MCC kodları üzrə ölkədaxili kart əməliyyatlarında interçeync komissiyalarına hər hansı yuxarı hədd tətbiq olunmur.
Qeyd edək ki, MCC (Merchant Category Code) kodları ticarət və xidmət obyektlərinin fəaliyyət sahəsini müəyyən edən beynəlxalq təsnifat kodlarıdır və hər bir sahibkarlıq subyekti fəaliyyət istiqamətinə uyğun olaraq müvafiq kodla təsnifləşdirilir.
Yeni tariflər 1 iyun 2026-cı il tarixindən qüvvəyə minib və qərar qanunvericiliyə uyğun olaraq Azərbaycan Respublikasının Hüquqi Aktların Dövlət Reyestrinə təqdim olunacaq. Mütəxəssislərin fikrincə, yeni yanaşma kart ödənişləri bazarında tariflərin tənzimlənməsinə, nağdsız ödənişlərin inkişafına və maliyyə xidmətləri sektorunda rəqabət mühitinin gücləndirilməsinə müsbət təsir göstərəcək.