İcbari tibbi sığorta ilə bağlı bəyannamə təqdim etməyən vergi ödəyiciləri kimlərdi?

2021-ci ildən fərdi sahibkarlara, o cümlədən sabit qəbzlə vergi ödəyən şəxslərə icbari tibbi sığorta öhdəliyinin müəyyənləşdirilməsi onların işinə çətinlik yaradırdı. Çünki sabit qəbz alınması üçün sabit vergi və məcburi dövlət sosial sığorta haqqı ödənildiyi üçün, icbari tibbi sığorta ilə bağlı ayrıca hesabat təqdim edilirdi. Vergi Məcəlləsinin 221-ci maddəsində edilən dəyişiklərdən sonra artıq sabit qəbzin alınması üçün hər 3 icbari ödənişin ödənilməsi tələb olunur. Bunun nəticəsində də, vergi ödəyicisinin icbari tibbi sığorta ilə bağlı bəyannamə təqdim etmək öhdəliyi ləğv olunub.