Hansı Vergi ödəyicisinin ƏDV qeydiyyatını ləğv edib, sadələşdirilmiş vergi ödəyici olmasına icazə yoxdur?

Sual: Səhvən ƏDV qeydiyyatı ərizəsi təqdim edərək vergi orqanında ƏDV qeydiyyatına durmuşam. Bilmək istəyirəm ki, VM-nin 158.1-ci maddəsinə əsasən ƏDV-ə cəlb olunan əməliyyatların aparılmasının dayandırılmasına görə ƏDV qeydiyyatını ləğv edib yenidən sadələşdirilmiş vergi ödəyicisi ola bilərəmmi? Qeyd edim ki, minik avtomobillərinin icarəsi və lizinqi fəaliyyət növü ilə məşğulam.

Cavab: Bildiririk ki, lizinq fəaliyyətindən və əmlakın icarəyə verilməsindən gəlir əldə edən şəxslər sadələşdirilmiş vergini tətbiq edə bilməzlər.

Eyni zamanda bidiririk ki, əmlakın icarəyə verilməsindən gəlir əldə edən şəxslər bu fəaliyyətlə yanaşı, digər fəaliyyət növləri ilə məşğul olduqda isə digər fəaliyyətdən əldə etdiyi gəlirlərə sadələşdirilmiş vergini tətbiq etmək hüququna malikdir. Bu halda əmlakın icarəyə verilməsi və digər fəaliyyət növləri üzrə əldə edilən gəlirlərin və xərclərin uçotu hər bir fəaliyyət növü üzrə ayrılıqda aparılmalıdır.

Bax: Vergi Məcəlləsinin 218.5-ci və 221.7-ci maddələri.