Vergi orqanı hansı yerlərdə postlar qura bilər?

Vergi Məcəlləsinin 23-cü, “Vergi ödəyicisinin hüquqları” maddəsinə də əlavələr edilib. Belə ki, əlavə olunan 23.1.3-1-ci maddəsinə əsasən, malların, o cümlədən kənd təsərrüfatı məhsullarının topdansatışı ilə məşğul olan ticarət obyektlərində, bazarlarda nəzarət postlarının qurulmasını və bu obyektlərə bu Məcəllə ilə müəyyən edilmiş qaydada sənədləşdirilməyən, habelə əmtəə-nəqliyyat qaiməsi olmayan malların gətirilməsinin qarşısının alınması səlahiyyətlərini həyata keçirmək vergi ödəyicisinin hüquqlarına aid edilib.

Mİsal 1. Vergi orqanı tikinti materiallarının satışı həyata keçirilən Dərnəgül taxta bazarının qarşısına post qoymaqla Məcəllə ilə müəyyən edilmiş qaydada sənədləşdirilməyən, habelə əmtəə-nəqliyyat qaiməsi olmayan malların gətirilməsinin qarşısının ala bilər.

Mİsal 2. Vergi orqanı kənd təsərüfatı məhsullarının satışını həyata keçirən yarmarka və ya bazarların qarşısında post qurmaqla həmin şəxslərdən də malların sənədlərini tələb etmək hüququna malikdir.

Həmkarlarımız bir məsələni nəzərə alsınlar ki, vergi orqanının iri həcmli marketlərin qarşısında postlar qurması qanunvericilikdə qeyd edilməyib. Yəni, vergi orqanı geniş şəbəkəyə malik olan “Əla” supermarket anbarının qarşısında post quraraq, şirkətlərdən daxil olan mallar üzrə sənədlərin yoxlamasını həyata keçirməyəcək. Vergi Məcəlləsinin 23.1.3-1-ci maddəsində qeyd edilən postların aşağıdakı obyektlərdə qurulması planlaşdırılır:

malların topdansatışı ilə məşğul olan ticarət obyektlərində;
kənd təsərrüfatı məhsullarının topdan satışı ilə məşğul olan ticarət obyektlərində;
bazarlarda