Tibbi müəssisələri hansı halda nəzarət-kassa aparatı quraşdıracaq?

1 yanvar 2022-ci il tarixdən tibb müəssisələri də nəzarət-kassa aparatı quraşdırılması məcbur hesab edilən obyektlər hesab edilir. Qeyd edək ki, “Əhalinin sağlamlığının qorunması haqqında” qanuna əsasən, tibb müəssisələrinin dövlət qeydiyyatı qanunvericiliklə müəyyən olunmuş qaydada aparılır.

Təcrübədə rast gəlinən suallardan biri apteklərin tibb müəssisəsi hesab olunub-olunmaması ilə bağlıdır. Apteklər lisenziya əsasında fəaliyyət göstərsə də, dərmanların pərakəndə satışını həyata keçirir, yəni hər hansı tibbi xidmət göstərmir. Bu səbəbdən də, apteklər pərakəndə satış fəaliyyəti ilə məşğul olduğundan nəzarət–kassa aparatının tətbiqi öncədən məcburi xarakter daşıyırdı.

Digər bir sual stomatoloji xidmət göstərən mərkəzlərdə nəzarət-kassa aparatının tətbiqi ilə bağlıdır. Fikrimizcə, stomotoloji xidmət göstərən vergi ödəyiciləri 1 yanvar 2022-ci il tarixdən nəzarət-kassa aparatı tətbiq etməyə borcludur. Cünki onların təqdim etdiyi xidmətlər tibbi xidmət olduğu üçün tibb müəssisələri hesab edilirlər.