Vergi borcuna görə bank hesabına qoyulan sərəncamla bağlı yeni dəyişiklik

Vergi Məcəlləsinin 65.7-1-ci maddəsinə ikinci və üçünçü cümlələri əlavə edilib. İndi isə maddəyə əlavə oluan cümlələri 1 yanvar 2022-ci il tarixdən tələblərini misallarla izah edək.

Mİsal 1. 10 mart 2022-ci il tarixdə vergi orqanı tərəfindən vergi ödəyicisinin hesabına 200 manat məbləğində vergi borcunun ödənilməsi haqqında sərəncam qoyulub. 15 mart 2022-ci ildə vergi orqanı tərəfindən yeni sərəncam göndərilərək vergi borcunun məbləği 120 manat müəyyən edilib. Göründüyü kimi, ikinci sərəncam üzrə məbləğ (120 manat) birinci sərəncamdan (200 manat) azdır. Bu zaman kredit təşkilatı xarici valyuta hesabının konvertsasiya edilməsinin başlanma tarixini (10 günlük müddətin hesablanması) 10 mart 2022-ci il hesab edəcək.

Mİsal 2. Vergi orqanı tərəfindən 10 mart 2022-ci il tarixdə vergi ödəyicisinin hesabına 200 manat məbləğində vergi borcununun ödənilməsi haqqında sərəncam qoyulub. 15 mart 2022-ci il tarixdə vergi orqanının göndərdiyi sərəncam 350 manat təşkil edib. Bu halda kredit təşkilatı konvertasiya edilməsi üçün 10 günlük müddətin hesablanmasını aşağıdakı kimi aparacaq:

200 manat vergi borcu üzrə 10 mart 2022-ci il tarixdən;

150 manat (350 manat (ikinci sərəncam üzrə məbləğ) – 200 manat (birinci sərəncam üzrə məbləğ) vergi borcu üzrə 15 mart 2022-ci il tarixdən.