Sadələşdirilmiş vergi bəyannaməsində məbləğlər hansı formada göstərilməlidir?

Sadələşdirilmiş vergi haqqında hesabat rüblük xarakter daşıyır və hesabat rübdən sonrakı ayın 20-dən gec olmayaraq təqdim edilməlidir. Qeyd edək ki, sadələşdirilmiş vergi ödəyicisi Sadələşdirilmiş vergi bəyannaməsini təqdim edərkən, aylar üzrə göstərilən iş (xidmət) və ya təqdim olunan malların dəyərini qeyd edir. Bu zaman aylar üzrə hesablanan məbləğlər yazılır. Rüb üzrə yekun hissəsində isə, daxil olan vəsaitlərin cəmi qeyd edilir.
Mİsal. Pərakəndə ticarətlə məşğul olan sadələşdirilmiş vergi ödəyicisi “A” MMC-nin aprel, may və iyun aylarında təqdim etdiyi malların dəyəri müvafiq olaraq 500 manat, 600 manat və 1 000 manat olsa da, yekun daxilolma 2 100 manat (500 manat + 600 manat + 1000 manat) yox, 2 000 manat olub. Bu zaman vergi ödəyicisi bəyannamədə rüb ərzində yekun hissədə 2 000 manat qeyd etməlidir.