İş stajı olub əmək kitabçası olmayan işçini işə qəbul etmək qanun pozuntusudur?

Təcrübədə rast gəlinən hallardan biri də odur ki, işçinin öncələr iş təcrübəsi olsa da, o, əmək kitabçasını hər hansı səbəbdən (itirib, əvvəlki iş yeri açmayıb və s.) təqdim edə bilmir. İşəgötürən iş stajı olan, amma əmək kitabçası olmayan işçini işə götürməklə, əmək qanunvericiliyinin tələblərini pozmuş sayılır?

Bu halda işəgötürənin işçidən yazılı məlumat alması məqsədəuyğundur. İşçi yazılı formada bildirir ki, hansı səbəbdən əmək kitabçasını təqdim edə bilmir. Həmin izahat işçinin şəxsi işinə əlavə edilməklə, ona yeni əmək kitabçası açılmalıdır.