logo
  • Bakı, Azərbaycan

  • [email protected]

  • +994 70 694 24 22

  • +994 12 460 70 68

  • Əsas səhifə
  • Haqqımızda
  • Xidmətlər
    • Mühasibat Və Maliyyə Xidmətləri
    • Miqrasiya Və Hüquqi Xidmət
    • Gömrük Rəsmiləşdirilməsi Və Broker Xidməti
    • Kadr Uçotunun Qurulması Və İnsan Resursları Üzrə Məsləhət
    • Əməyin Mühafizəsi Və Əmək Qanunvericiliyi
    • Vergi Məsləhəti
  • Kitabxana
    • Qanunvericilik
    • Audit
    • Kadr (HR)
    • Mühasibatlıq
  • Yeniliklər
  • Əlaqə
Azərbaycan az
enEnglish ruRussian trTürkçe

“YAŞAT” fonduna ödənilən ödənişlər gəlirdən çıxılan xərclərə aid ediləcək?

  • Bloq
  • 21-apr-2022, 15:28
  • 81
“YAŞAT” fonduna ödənilən ödənişlər gəlirdən çıxılan xərclərə aid ediləcək?
Vergi Məcəlləsinin 106.1.18-ci maddəsində həmçinin qeyd edilir ki, paylarının (səhmlərinin) 51 və daha artıq faizi birbaşa və ya dolayısı ilə dövlətə məxsus olan hüquqi şəxslər və dövlətin adından yaradılan publik hüquqi şəxslər istisna olmaqla, vergi ödəyicisinin hesabat ilinin mənfəətinin 10 faizindən çox olmayan hissəsinin müvafiq icra hakimiyyəti orqanının müəyyən etdiyi orqan (qurum) tərəfindən ictimai və sosial məqsədlər üçün yaradılmış fondlara köçürülən hissəsi üzrə isə – 2021-ci il 1 yanvar tarixdən 8 il müddətinə mənfəət vergisindən azaddır. Bu maddənin müddəaları yalnız nağdsız qaydada ödənilən xərclərə münasibətdə tətbiq edilir

Maddədən göründüyü kimi, yeni dəyişikliyə əsasən, vergi ödəyicisinin müvafiq icra hakimiyyəti orqanının müəyyən etdiyi orqan (qurum) tərəfindən vergi ödəyicisinin hesabat ilinin mənfəətinin 10 faizindən çox olmayan hissəsinin ictimai və sosial məqsədlər üçün yaradılmış fondlara köçürülən hissəsi üzrə də 2021-ci il 1 yanvar tarixdən 8 il müddətinə mənfəət vergisindən azad edilməsi nəzərdə tutulub.

İndi isə maddə ilə bağlı 3 vacib məqama diqqət yetirək.

Birinci məqam. Vəsaitlər Prezident tərəfindən ictimai və sosial məqsədlər üçün yaradılmış fondlara ödənilməlidir. Misal üçün, Azərbaycan Respublikasının Prezidenti İlham Əliyevin 8 dekabr 2020-ci il tarixli fərmanı ilə yaradılan Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu (“YAŞAT” Fondu) və Azərbaycan Respublikası Prezidentinin 4 yanvar 2021-ci il tarixli fərmanı ilə yaradılan “Qarabağ Dirçəliş Fondu” publik hüquqi şəxsi.

Qeyri-hökümət təşkilatları və fiziki şəxslərin şəhid ailələri və qazilərə dəstək məqsədilə yaradılan fondlara ödədiyi məbləğlər Vergi Məcəlləsinin 106.1.8-ci maddəsinin əhatə dairəsinə aid edilmir.

İkinci məqam. Fondlara ödənilən vəsaitlər vergi ödəyicisinin mənfəəti hesabına həyata keçirilməlidir. Vergi ödəyicisinin ödədiyi məbləğ birbaşa gəlirdən çıxılan xərclərə aid edilmir, müəssisənin mənfəəti olduğu halda müəyyən hissə qədər mənfəət vergisindən azad edilir.

Fikrimizi misallarla izah edək.

Mİsal 1. Vergi ödəyicisi 2021-ci ildə “YAŞAT” fonduna 5 000 manat ödəniş edib. Amma 2021-ci vergi ilini zərərlə baş vurub. Vergi ödəyicisi zərərlə işlədiyi üçün fonda ödədiyi 5 000 manat onun vergi öhdəliyinə hər hansı təsir etmir.

Mİsal 2. Vergi ödəyicisi 2021-ci ili 50 000 manat mənfəətlə baş vurub və “Qarabağ Dirçəliş Fondu”na 7 000 manat nağdsız qaydada ianə edib. Bu məbləğin Vergi Məcəlləsinin 106.1.8-ci maddəsinə əsasən, mənfəətin 10 faizi qədər, yəni 5 000 manatı mənfəət vergisindən azad ediləcək. Vergi ödəyicisinin mənfəət vergisi 45 000 manat (50 000 manat (mənfəət) – 5 000 manat (“Qarabağ Dirçəliş Fondu”na ödənilən və mənfəətin 10 faizlik hissəsini təşkil edən məbləğ) olacaq. Vergi ödəyicisi 2 000 manatlıq fərqi artıq bölüşdürülməmiş mənfəətdə nəzərə alacaq.

Üçüncü məqam. Vergi Məcəlləsində dəyişiklik 1 yanvar 2022-ci il tarixdən qüvvədə olsa da, fondlara ödənilən məbləğlər 2021-ci ilin mənfəət vergisində nəzərə alınacaq. Çünki Vergi Məcəlləsinin 106.1.18-ci maddəsində qeyd edilir ki, mənfəət vergisindən azadolma ilə bağlı tələblər 2021-ci il 1 yanvar tarixdən 8 il müddətinə qüvvədədir. Sonda bir məsələni qeyd edək ki, Vergi Məcəlləsinin 106.1.18-ci maddəsinə azadolma yalnız nağdsız qaydada həyata keçilən ödənişlərə şamil edilir.

  • Facebook
  • Twitter
  • Pinterest
  • WhatsApp
  • Email
Gömrük Rəsmiləşdirilməsi Və Broker Xidməti
22-may-2021 | Xidmətlər

Saytda axtarış

Blog Yazıları

  • ƏDV-nin nağd və nağdsız qaytarılmasına dair tələblər
    ƏDV-nin nağd və nağdsız qaytarılmasına dair tələblər
    08-iyl-2025 | Bloq
  • Vergiyə cəlb edilməyən əməliyyatlar: şərtlər, qaydalar
    Vergiyə cəlb edilməyən əməliyyatlar: şərtlər, qaydalar
    08-iyl-2025 | Bloq
  • Aktivin dəyəri necə müəyyənləşdirilir və qiymət fərqi zamanı vergi necə hesablanır?
    Aktivin dəyəri necə müəyyənləşdirilir və qiymət fərqi zamanı vergi necə hesablanır?
    07-iyl-2025 | Bloq
  • Dublyaj fəaliyyətindən əldə edilən gəlirlərə vergi güzəşti tətbiq olunurmu?
    Dublyaj fəaliyyətindən əldə edilən gəlirlərə vergi güzəşti tətbiq olunurmu?
    07-iyl-2025 | Bloq
  • Əmlak vergisi, vergi sanksiyaları və dəqiqləşdirilmiş hesabatların təqdim olunması qaydaları
    Əmlak vergisi, vergi sanksiyaları və dəqiqləşdirilmiş hesabatların təqdim olunması qaydaları
    04-iyl-2025 | Bloq
  • Beynəlxalq daşıma sayılmayan daşımalarda vergitutma öhdəlikləri
    Beynəlxalq daşıma sayılmayan daşımalarda vergitutma öhdəlikləri
    04-iyl-2025 | Bloq
  • Torpaq vergiyə daxildirmi? Hesabat uyğunsuzluğuna sanksiya tətbiq oluna bilərmi?
    Torpaq vergiyə daxildirmi? Hesabat uyğunsuzluğuna sanksiya tətbiq oluna bilərmi?
    03-iyl-2025 | Bloq
  • Vergi orqanı girişdə uçot məlumatı yoxdursa, sahibkarı cərimə edə bilərmi?
    Vergi orqanı girişdə uçot məlumatı yoxdursa, sahibkarı cərimə edə bilərmi?
    03-iyl-2025 | Bloq
  • İşçi məzuniyyətdə olduqda əmək qabiliyyətini itirsə, hesablama necə aparılır?
    İşçi məzuniyyətdə olduqda əmək qabiliyyətini itirsə, hesablama necə aparılır?
    02-iyl-2025 | Bloq

Haqqımızda

“AZE Finans” MMC 2020-cü ilin sentyabr ayında fəaliyyətə başlamışdır. Şirkət fəaliyyətə başladığı gündən müxtəlif fəaliyyət sahələrində xidmət göstərən müəssisələrə vergi, mühasibatlıq xidmətləri və mühasibat uçotunun qurulması, maliyyə hesabatları, şirkətlərin hüquqi və Miqrasiya xidməti, Kadr Uçotunun Qurulması insan resurslarının idarə olunması və əməyin mühafizəsi üzrə xidmətlər göstərir.

İş saatları:

Bazar ertəsi - Cümə: 09:00-18:00

Qeyri iş günləri:

Həftə sonu və Bayram günləri

Əlaqə:

+994 12 460 70 68
+994 70 694 24 22
[email protected]
Bakı ş., Babək plaza, mərtəbə 13
Sumqayıt ş., İ.Qayıbov k. Bina 1A

© 3435 AZE Finance | Bütün hüquqlar qorunur, created by [email protected]