İşçinin staja görə əlavə məzuniyyət hüququ yaranırsa, hesablama necə həyata keçirilir?

Təcrübədə rast gəlinən hallardan biri də, işçinin əlavə məzuniyyət hüququnun yaranması hallarının tənzimlənməsidir.

Misal. İşçinin 5 illik iş stajının tamam olması iş ilinin ortasında baş verir. Bu zaman əlavə məzuniyət hüququ verən 2 gün tam, yoxsa 1 gün (2 gün (əlavə məzuniyyət hüququ verən günlərin sayı) x 50 faiz (iş ilinin yarısında baş verdiyi üçün tətbiq oluna faiz)) nəzərə alınmalıdır.

Əmək Məcəlləsinin 116-cı maddəsinin birinci hissəsində qeyd edilir ki, işçinin beş ildən on ilədək əmək stajı olduqda ona 2 təqvim günü əlavə məzuniyyət verilir. İşçinin əlavə məzuniyyət hüququnun iş ilinin hansı dövründə yaranmasından asılı olmayaraq, ona tam, yəni 2 gün əlavə məzuniyyət hesablanmalıdır.