Vergi ödəyicisi avans məbləğinə elektron qaimə-faktura təqdim etməlidir?

Təcrübədə rast gəlinən suallardan biri də təqdim olunmayan, ancaq avans alınan mallara görə elektron qaimə-fakturanın təqdim edilib-edilməməsi ilə bağlıdır.

Mİsal. Fərdi sahibkar qarşı tərəflə olan müqaviləsinə əsasən, vergi qanunvericiliyinin ekspertizasını həyata keçirir. Müqavilənin məbləği 3 000 manat olsa da, razılaşmaya əsasən, fərdi sahibkara müqavilə imzalandıqdan 3 gün sonra, ilkin olaraq 1 000 manat ödəniş olacaq. Qalan 2 000 manat müqavilə başa çatdıqdan sonra həyata keçiriləcək. Fərdi sahibkar avans kimi daxil olan 1 000 manat üçün elektron qaimə-faktura təqdim etməyəcək. Çünki AVANS məbləğ üçün elektron qaimə-faktura təqdim olunması qanunvericilkdə nəzərdə tutulmayıb.