İşçi növbəlilik cədvəlindəki məzuniyyət vaxtını dəyişərsə, proses necə tənzimlənir?

İşəgötürən tərəfindən əmək məzuniyyətlərinin verilməsi üçün növbəlilik cədvəli təsdiq edilə bilər. Maraqlıdır ki, növbəlilik cədvəlində dəyişikliklərin olması necə tənzimlənir.

Misal. Məzuniyyətin növbəlilik cədvəlinə əsasən, işçi 10 aprel 2022-ci il tarixdən 30 günlük əmək məzuniyyətindən istifadə etməlidir. Amma işçi işəgötürənə müraciət edir ki, onun məzuniyyət dövrünün aprel ayında yox, oktyabr ayında həyata keçirilməsinə icazə versin. İşəgötürən işçinin məzuniyyət dövrünün dəyişməsinə razılıq verərsə, yenidən növbəlilik cədvəlini təsdiq etməlidir? Xeyr, sadəcə, işəgötürən əmr verərək növbəlilik cədvəlində dəyişiklikləri təsdiq etməlidir. Yəni, işçinin ərizəsi sənədləşmə üçün kifayət etmir. Bu barədə təşkilatımın digər nəşrində - “A-dan Z-yə Kargüzarlıq” kitabında əmr nümunələri vasitəsilə rəsmiləşdirmə prosesi barədə detallı məlumat verilib.