Nəzarət kassa-aparatı tətbiq ediləcək fəaliyyətlərin siyahısı genişləndiriləcək? (3-cü yazı)

Dövlət Vergi Xidməti tərəfindən Vergi Məcəlləsinəd dəyişikliklər paketi hazırlanaraq müvafiq dövlət qurumları ilə müzakirəsi həyata keçirilir.

1 yanvar 2022-ci il tarixdən etibarən Vergi Məcəlləsinin 16.1.8-ci maddəsinə edilən dəyişikliyə əsasən, tibb müəssisələri tərəfindən göstərilən xidmətlər üzrə pul hesablaşmalarını elektron informasiya sisteminə real vaxt rejimində qoşulmuş nəzarət-kassa aparatı vasitəsi ilə həyata keçirməlidir. Maddədən göründüyü kimi, səhiyyə sahəsində fəaliyyət göstərən tibb müəssisələrinə tələb mövcud olsa, həmin sahədə xidmət göstərən fərdi sahibkarlar həmin tələb müəyyənləşdirilməyib.

1 yanvar 2023-cü il tarixdən Vergi Məcəlləsinin 16.1.8-ci maddəsindəki fəaliyyətlərin siyahısına özəl tibbi praktika ilə məşğul olan fiziki şəxslər əlavə edilməsi təklif edilir.

Beləliklə, 1 yanvar 2023-cü il tarixdən Vergi Məcəlləsiniə təklif edilən dəyişikliyə əsasən, Vergi Məcəlləsinin 16.1.8-ci maddəsinə aşağıdakı şəkildə olması təklif edilir:

16.1.8. aşağıdakı fəaliyyət növləri istisna olmaqla, pərakəndə ticarət, ictimai iaşə fəaliyyəti, yerləşmə vasitələri hesab edilən mehmanxana (hotel) və mehmanxana tipli digər obyektlər, tibb müəssisələri və özəl tibbi praktika ilə məşğul olan fiziki şəxslər, bərbərxanalar, gözəllik salonları və kosmetoloji mərkəzlər tərəfindən göstərilən xidmətlər üzrə pul hesablaşmalarını müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilən meyarlara cavab verən və müvafiq icra hakimiyyəti orqanının müəyyən etdiyi orqanın (qurumun) elektron informasiya sisteminə real vaxt rejimində qoşulmuş nəzarət-kassa aparatı vasitəsi ilə həyata keçirmək.