Şəhadətnamə-Dublikat ilə bağlı VACİB XƏBƏR

Hazırda Dövlət Vergi Xidməti Vergi Məcəlləsində dəyişiklikləri nəzərdə tutan paketin müvafiq dövlət və özəl qurumları ilə müzakirəsini həyata keçirir.

Vergi Məcəlləsinin 35.1-ci maddəsinin tələblərinə əsasən, vergi ödəyicisi kredit təşkilatlarında hesab açmaq üçün vergi orqanına ərizə verməlidir. Vergi orqanı vergi ödəyicisinin ərizəsi əsasında 2 gündən gec olmayaraq şəhadətnamə-dublikat verdikdən sonra hesab açılması proseduru həyata keçirilir.

Vergi Məcəlləsinə təklif edilən dəyişiklik qəbul olunarsa, vergi ödəyicisinin bank hesabı üçün vergi orqanına ərizə verməsinə ehtiyac qalmayacaq. Vergi ödəyicisinin hesab açılması üçün kredit təşkilatına müraciət etməsi kifayət edəcək ki, müvafiq prosdurlar həyata keçirilsin.

Dəyişikliklər paketində Vergi Məcəlləsinin 165.5-cı maddəsi aşağıdakı redaksiyada təklif edilir:

Maddə 35. Banklar, digər kredit təşkilatları və poçt rabitəsinin milli operatoru tərəfindən vergi ödəyicilərinə hesabların açılması


35.1. Vergi ödəyiciləri vergi uçotuna alındıqdan sonra hesab açmaq üçün banklara, kredit təşkilatlarına və poçt rabitəsinin milli operatoruna (bundan sonra - bank əməliyyatları aparan şəxslərə) müraciət etdikdə bank əməliyyatları aparan şəxslər vergi ödəyicilərinə hesablar açır və açılmış hesabların (qeyri-rezident üçün sahibkarlıq fəaliyyəti ilə bağlı olmayan açılmış hesablar istisna olmaqla) vergi orqanında qeydiyyata alınması üçün forması müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilən məlumatı hesab açıldığı tarixdən 1 iş günü müddətində elektron qaydada vergi orqanına göndərir.