ƏMAS altsistemində əsas iş yeri olmayan işçini əlavə iş yeri üzrə işə götürmək olar?

Əmək Məcəlləsində işçinin əsas yeri olmadan əlavə iş yeri üzrə işə qəbul edilməsində hər hansı məhdudiyyət olmasa da, məntiqi olaraq ilk növbədə əsas iş yeri olmalıdır ki, sonra əlavə iş yeri imkanı yaransın.

Misal. İşçi işəgötürənə bildirir ki, yaxın zamanlarda əsas iş yerində işə düzələcəyi ehtimalı olduğu üçün, onun əmək müqaviləsində iş yerini əsas yox, gündə 2 saat olmaqla əlavə iş yeri kimi qeyd etsin. Bu zaman ƏMAS altsistemi işçinin əsas iş yeri olmadan əlavə iş yeri kimi qeyd edilməsinə məhdudiyyət bildirişi təqdim edir.

Bildirişdən göründüyü kimi, işçinin əsas iş yeri haqqında ƏMAS altsistemində məlumatlar olmadığı üçün işəgötürən həmin şəxsi əlavə iş yerinə işə cəlb edə bilmir.

Məlumat üçün bildirək ki, işçinin əlavə iş yerlərinin sayı ilə bağlı məhdudiyyətlər olmadığı üçün işçi istənilən sayda əlavə iş yerini ƏMAS altsistemində qeyd etdirə bilər. Həmçinin, əsas iş yeri üzrə faktiki çalışan işçinin əsas iş yerindən əlavə iş yerinə keçirilməsi ilə bağlı düzəlişin aparılması zamanı sistem tərəfindən hər hansı məhdudiyyət tətbiq edilmir.