İşəgötürən işçinin iş yerini başqa ünvanda qeyd edə bilər?

Əsasən konsaltinq xidməti göstərən təşkilatlarda rast gəlinir ki, işə qəbul olunan işçi öz ofisində yox, tərəfdaşlıq etdiyi müəssisənin ünvanında çalışır. Sonradan tərəfdaş təşkilat dəyişdiyi halda, işçinin iş ünvanı da dəyişir. Eyni halı mağazalarda satıcı işləyən şəxslərə də şamil etmək olar. Prosesin bu cür olması işçinin əmək şəraitinin dəyişməsi anlamına gəlir, yoxsa işəgötürənin işçinin iş yerini dəyişmək hüququ var?

Bu halda işəgötürənlə işçinin arasında bağlanılmış əmək müqaviləsinə baxmaq lazımdır. Əgər işəgötürən əmək müqaviləsində qeyd edibsə, işçinin iş yeri təşkilatın xidmət göstərdiyi iş yerləridir, bu zaman işçinin xidmət üçün başqa ərazilərə göndərilməsi problem yaratmır. Əks halda, işçinin iş yeri baş ofis olaraq göstərilib, amma filiala və ya xidmət göstərdiyi iş yerinə göndərilirsə, bu, əmək şəraitinin dəyişməsi hesab oluna bilər.