Cari vergi ödəmələrinin həyata keçirilməməsinə görə faiz hesablanması həyata keçirilir?

Vergi Məcəlləsinin 59.1-ci maddəsinə əsasən, vergi və ya cari vergi ödəməsi bu Məcəllə ilə müəyyən edilmiş müddətdə ödənilmədikdə, ödəmə müddətindən sonrakı hər bir ötmüş gün üçün vergi ödəyicisindən və ya vergi agentindən ödənilməmiş vergi və ya cari vergi ödəməsi məbləğinin 0,1 faizi məbləğində əlavə vəsait tutulur. Maddədən göründüyü kimi, “cari vergi ödəməsi” anlayışından istifadə edilib.

Mİsal. Vergi ödəyicisinin 2021-ci il üzrə mənfəət vergisi 12 000 manat təşkil edib. Vergi ödəyicisi Vergi Məcəllənin 151.1-ci maddəsində nəzərdə tutulan metodu tətbiq etdiyindən cari vergi ödəməsinin məbləği əvvəlki vergi ilində hesablanmış vergi məbləğinin 1/4 hissəsini təşkil edir. Vergi Məcəlləsinin 151.1-ci maddəsinə əsasən, hüquqi şəxslər və fərdi sahibkarlar rüb qurtardıqdan sonra 15 gündən gec olmayaraq cari ödəmələrini dövlət büdcəsinə ödəməlidirlər.

Beləliklə, vergi ödəyicisi 2022-ci ilin aprel, iyul, oktyabr və 2023-cü ilin yanvar ayının 15-dən gec olmayaraq hər dövr üzrə 3 000 manat (20 000 manat / 4) cari vergi ödəməsini dövlət büdcəsinə ödəməlidir. Əks halda vergi ödəyicisinə Vergi Məcəlləsinin 59.1-ci maddəsinə əsasən faiz hesablanması həyata keçiriləcək.

Misalla bağlı bir məqamı bildirək ki, vergi ödəyicisi 2022-ci il üzrə mənfəət vergisi bəyannaməsini 2023-cü ilin yanvar ayından 15-dən tez təqdim etsə, artıq “Cari vergi ödəmələrinin hesablanması haqqında Arayış”ın təqdim edilməsinə ehtiyac qalmadığı üçün cari vergi ödəməsi yox, yekun vergi məbləği formalaşır.