DSMF niyə əmək qabiliyyətinin müvəqqəti itirilməsi ilə bağlı işçidən izahat tələb edir?

Təcrübədə həmkarlarımızın narazlıq etdiyi məsələlərdən biri də, işəgötürənlərin əmək qabiliyyətinin itirilməsi ilə bağlı son haqq-hesab təqdim etməsinə baxmayaraq DSMF orqanının əlavə sənədlər tələb etməsidir.
MİsaL. İşəgötürən DSMF-ə xəstəlik vərəqəsi təqdim edir ki, işçinin ayağında sınıq olduğu üçün əmək qabiliyyətinin müvəqqəti itirilməsi halı baş verib. Bu zaman DSMF işəgötürəndən tələb edir ki, işçi ayağındakı zədənin hansı şəraitdə olması ilə bağlı izahat təqdim etsin. DSMF-nin izahat tələb etməsində məqsəd odur ki, hadisənin istehsalatda bədbəxt hadisə ilə əlaqəli olub-olmamasını araşdırsın. Çünki 189 saylı qərarla təsdiq edilən Əsasnamənin 107-ci bəndinə əsasən, qanunvericiliyə uyğun olaraq bədbəxt hadisənin rəsmiləşdirildiyi İZ aktına əsasən sığortaedən təqsirli hesab edildiyi halda, istehsalat qəzası və peşə xəstəliyi nəticəsində əmək qabiliyyətini müvəqqəti itirmiş sığortaolunanlara isə müavinətin əmək qabiliyyətinin müvəqqəti itirildiyi bütün dövr üçün hesablanmış məbləği sığortaedənin vəsaiti hesabına ödənilir.
Göründüyü kimi, istehsalatda bədbəxt hadisə baş verdiyi halda sığortaedən təqsirli hesab olunarsa, o zaman əmək qabiliyyətinin müvəqqəti itirildiyi bütün dövr üçün hesablanmış məbləği DSMF ödəmir.