DSMF orqanı hansı halda işəgötürəndən arayış tələb edə bilər.

DSMF tərəfindən işçinin əmək qabiliyyətinin müvəqqəti itirilməsi ilə bağlı müavinətin ödənilməsi prosesində rast gəlinən hallardan biri də işçinin müəyyən dövrlər üzrə əmək haqqı haqqında arayışın tələb edilməsidir. Arayışın hansı halda tələb olunması ilə bağlı nüansı misalla izah edək.
MisaL. İşəgötürən 2023-cü ilin mart ayının əvvəlində DSMF-ə işçinin əmək qabiliyyətinin müvəqqəti itirilməsi ilə bağlı haqq-hesab cədvəli təqdim edib. Əsasnaməyə uyğun olaraq işçinin son 12 ayda qazancları qeyd edildiyi üçün 2023-cü ilin fevral və yanvar ayları üzrə əmək haqqı göstəriciləri də son haqq-hesab cədvəlində qeyd edilib. Amma işəgötürən vergi orqanına işçinin əmək haqqı ilə bağlı olan vahid bəyannaməni 2023-cü ilin aprel ayının 20-dək təqdim etməlidir. Bu halda DSMF orqanı işçinin əmək haqqı göstəricilərini vahid bəyannamə ilə tutuşdura bilmədiyi üçün işəgötürəndən həmin aylar üzrə arayış tələb edə bilər.