İş vaxtının cəmlənmiş uçotunda yekun iş saatı normadan az olduqda işçinin əməyinin ödənilməsi necə həyata keçirilir?

Misal. İşəgötürən iş vaxtının cəmlənmiş uçotu üçün qeydiyyat dövrünü illik olaraq müəyyən edib. 2021-ci ilin sonunda məlum olur ki, işçinin illik norması 1 920 saat müəyyən olunsa da, iş saatı 1900 saat təşkil edib. İşəgötürən işçiyə hər ay 1 000 manat əmək haqqı hesablayaraq ödəyib. İşəgötürən 20 saat az işlədiyinə görə işçinin əmək haqqı üzrə azalma edə bilər. Bu iki yolla mümkündür.
Birinci hal. İşəgötürən əmək müqaviləsində və kollektiv müqavilədə qeyd edir ki, ilin sonunda işçinin iş vaxtı norması aşağı olduğu halda belə işçinin aylıq əmək haqqını azaltmayacaq. Bu halda işəgötürən işçinin əmək haqqında azalma həyata keçirmir.
İkinci hal. İşəgötürən işçinin işləmədiyi 20 saat (1920 (illik iş vaxtı norması) – 1 900 manat (işçinin işlədiyi iş norması)) üzrə hesablanan əmək haqqıda azalma həyata keçirir.
İşçinin 2021-ci il üzrə işləmədiyi iş saatının 2022-ci ilin üzərinə əlavə olunması mümkündür? Xeyr, qeydiyyat dövrü illik olduğu üçün yekun hesablama da 2021-ci il üzrə həyata keçirilməlidir.