Elektron qaimə-faktura ilə mal təqdim etdikdə hansı halda "riskli vergi ödəyicisi" olur?

Təcrübədə rast gəlidiyimiz hallardan biri də vergi ödəyicisinin elektron qaimə-faktura ilə satdığı mallarla bağlı alış sənədlərinin olmamasıdır.
Mİsal 1. Vergi ödəyicisi qarşı tərəfə 10 000 manatlıq mal təqdim etsə də, həmin malların mədaxili və ya istehsalı ilə bağlı hər hansı sənədləşdirmə aparılmayıb. Bu cür hallarda vergi orqanı tərəfindən vergi ödəyicisi riskli vergi ödəyicisi kateqoriyasına aid edilir. Həmçinin, mikro sahibkarlıq subyekti olan vergi ödəyicisi gəlir və xərclərinin uçotunu həyata keçirmədikdə 75 faizlik güzəşt hüququndan mərhum edilir. Yekunda mikro sahibkarlıq subyekti olan vergi ödəyicisi mənfəət (gəlir)vergisini 5 faiz yox, 20 faizlə ödəməli olur.
Bir məsələni xüsusi olaraq vurğulayaq ki, 2023-cü il başlayaraq elektron qaimə-faktura təqdim etməsinə baxmayaraq, malların alış sənədi olmayan vergi ödəyicilərinin “riskli vergi ödəyiciləri” kateqoriyasina aid edilməsi halları kifayət qədər artıb. Əsasən də, topdansatış və istehsalla məşğul olan vergi ödəyicilərinə malların təqdim edənlərə nəzarət gücləndirilib.