İşə qəbul zamanı hansı sənədlər təqdim edilməlidir?

Əmək Məcəlləsinin 48-ci maddəsinə əsasən, əmək müqaviləsi imzalanarkən, “İşçi” aşağıdakı sənədləri təqdim etməlidir:

• Şəxsiyyət vəsiqəsi (Şəxşiyyət vəsiqəsininin etibarlıq müddəti bitibsə, yenisi alınmalıdır)
  
  
• Əmək kitabçası (İlk dəfə işə qəbul olunma, əcnəbilərlə və vətəndaşlığı olmayan şəxslərlə istisna olmaqla)
  
  
• Peşə hazırlığı və ya təhsili olmasını təsdiq edən sənəd ( işçinin əmək funksiyasının xüsusiyyətlərinə uyğun olduğu hallarda)
  
  
• İşçinin səhhətinə, sağlamlığına mənfi təsir göstərən amillər olan ağır, zərərli və təhlükəli əmək şəraitli iş yerlərində, habelə əhalinin sağlamlığının mühafizəsi məqsədi ilə yeyinti sənayesi, ictimai iaşə, səhiyyə, ticarət və bu qəbildən olan digər iş yerlərində əmək müqaviləsi bağlanılarkən işçilər sağlamlığı haqqında tibbi arayış təqdim etməlidirlər.
  

Əmək münasibətlərinə girən işçidən bu Məcəllədə nəzərdə tutulmamış, habelə işin (vəzifənin) xüsusiyyətlərinə uyğun gəlməyən əlavə sənədlərin tələb edilməsi qadağandır.