“Rəqabət Məcəlləsinin təsdiq edilməsi haqqında” qanun layihəsi birinci oxunuşda qəbul edilib

Oktyabrın 2-də “Rəqabət Məcəlləsinin təsdiq edilməsi haqqında” qanun layihəsi Milli Məclisin plenar iclasında müzakirəyə çıxarılıb.

Layihəni Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili təqdim edib.

Plenar iclasda millət vəkilləri ilə yanaşı, iqtisadiyyat nazirinin birinci müavini Elnur Əliyev, Antiinhisar və İstehlak Bazarına Nəzarət Xidmətinin rəisi Məmməd Abbasbəyli də iştirak edib.

Hökmran mövqenin müəyyən edilməsi, təbii inhisar subyektləri üzərində rəqabət nəzarətinin həyata keçirilməsi, Məcəllədə nəzərdə tutulan məsuliyyət tədbirlərinin preventiv-çəkindirici funksiyası, Rəqabət Komissiyasının yaradılması, say tərkibi və fəaliyyətinin təşkili məsələləri plenar iclasda geniş müzakirə edilib.

Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.