ƏMAS-da yeni funksionallıq

Əmək və Əhalinin Sosial Müdafiəsi Nazirliyi ƏMAS altsistemində yeni funksional yaradıb. Belə ki, iş yerlərinin attestasiyasının nəticələri əsasında əmək şəraiti ağır və zərərli olan işlərdə çalışan işçilərin tarif (vəzifə) maaşlarına əmək şəraitinin ağır və zərərlilik səviyyəsindən asılı olaraq artımın (əmsalın) minimum miqdarının əmək müqaviləsinin elektron formasına əlavə edilməsi ilə bağlı ƏMAS-da funksionallıq yaradılmışdır.

Qeyd edək ki, Nazirlər Kabinetinin 2002-ci il 22 avqust tarixli, 137 nömrəli "Əmək şəraiti ağır və zərərli olan işlərdə və iqlim şəraitinə görə işləmək üçün əlverişli olmayan iş yerlərində çalışan işçilərin və Azərbaycan Respublikasının işğaldan azad edilmiş ərazilərində işləyən mütəxəssislərin əmək haqqının yüksək məbləğdə ödənilməsini təmin edən artımların (əmsalların) məbləğinin minimum miqdarının müəyyən edilməsi haqqında" qərarı ilə əmsalların minimum miqdarı müəyyən edilir.