İşçinin qismən ödənişli sosial məzuniyyətdə olduğu halda yenidən analıq məzuniyyətə çıxarkən müavinət necə hesablanır?

Analıq məzuniyyəti ilə bağlı bizə ən çox verilən suallardan biri də, işçinin qismən ödənişli sosial məzuniyyətdə olduğu halda yenidən analıq məzuniyyətə çıxması halı ilə bağlıdır. Əsasnamənin 28-ci maddəsində qeyd edilir ki, sığortaolunanın əmək qabiliyyətini müvəqqəti itirdiyi aydan etibarən əvvəlki son 12 tam təqvim ayında əmək fəaliyyəti olmamışdırsa, onda bir iş gününə düşən orta gündəlik qazanc işçinin əmək qabiliyyətini müvəqqəti itirdiyi dövrdə qanunvericiliklə müəyyən edilmiş minimum aylıq əmək haqqının qüvvədə olan məbləğinin əmək qabiliyyətini müvəqqəti itirdiyi aydakı iş günlərinin sayına bölünməsi ilə tapılır.

Misal. “XXX” MMC-nin 5 illik sosial sığorta stajına malik olan işçisi 2018-ci ilin mart ayında analıq məzuniyyətinə çıxıb, analıq məzuniyyətdən geri qayıtmadan qismən ödənişli sosial məzuniyyətə çıxıb. Qismən ödənişli sosial məzuniyyətdə olan 2021-ci ilin fevral ayında xəstəlik vərəqəsi təqdim edir ki, 14 fevral 2022-ci il tarixindən yenidən analıq məzuniyyətinə çıxır. Göründüyü kimi, işçinin fevral ayında əvvəlki dövrdə hər hansı əmək fəaliyyəti olmayıb.
Bu halda hər ay üzrə işçinin qazancı olaraq minimum əmək haqqı nəzərə alınır (Misal 2022-ci il üzrə hazırlandığı üçün minimum əmək haqqı məbləği 345 manat yox, 300 manat kimi nəzərə alınıb):
Son 12 ayda fəaliyyəti olmayan işçiyə ödəniləcək müavinət məbləği minimum əmək haqqı əsasında 1245,00 manat təşkil edir.