ƏMAS altsistemində MƏZUNİYYƏT əmrlərinin elektronlaşdırılmasına START verilir

ƏMAS altsistemində MƏZUNİYYƏT əmrlərinin elektronlaşdırılmasına START verilir

ƏMAS altsistemində xitam əmrlərindən sonra artıq məzuniyyət əmrlərinin hazırlanması da elektronlaşdırılacaq. Bu haqda Dövlət Əmək Müfəttişliyi Xidmətinin şöbə müdirinin müavini Aynurə Tağıyeva məlumat verib. Aynurə xanımın verdiyi məlumata əsasən, ƏMAS altsistemində məzuniyyət əmrlərinin elektron formada hazırlanması prosesi artıq yekunlaşıb: "Məzuniyyət əmrlərinin ƏMAS altsisteminə inteqrasiyası yekunlaşdığı üçün böyük ehtimalla noyabr ayından həmin elektron xidmət işəğötürənlərin istifadəsinə veriləcək. İşəgötürən ƏMAS altsistemində əmək, sosial, qismən ödənişli sosial, təhsil, yaradıcılıq və ödənişsiz məzuniyyətlər üzrə əmrləri hazırlamaq hüququna malik olacaqlar"

Dövlət Əmək Müfəttişliyi Xidmətinin şöbə müdirinin müavini Aynurə Tağıyeva həmçinin bildirib ki, qanunvericilikdə əmrlərin elektronlaşdırılması ilə dəyişikliklər təsdiq olunmadığı üçün hal-hazırda ƏMAS altsistemində məzuniyyət əmrlərinin hazırlanması işəgötürənlər üçün mütləq tələb hesab edilmir: “ƏMAS altsistemində məzuniyyət əmrlərinin tərtib edilməsi prosesi dövlət qurumu tərəfindən işəgötürənlərə dəstək məqsədi ilə hazırlanıb. O səbəbdən də, işəgötürənlərə tövsiyyə edirik ki, məzuniyyət əmrlərini ƏMAS altsistemində hazırlasınlar. ƏMAS altsistemindəki dəyişiklik HR proqramları olmayan işəgötürənlər üçün məzuniyyətin uçotu və rəsmiləşdirilməsində kifayət qədər dəstək olacaq. Amma qanunvericilik tətbiq olunduqdan sonra işəgötürənlər üçün məcburi öhdəlik daşımaqla yanaşı onların məzuniyyətlə bağlı işlərinin asanlaşdırılmasına dəstək olacaq.”