Avans ödəmələr üçün yeni elektron qaimə-faktura təqdim olunacaq?

2024-cü ildən ilk dəfə olaraq tətbiqi gözlənilən yeni elektron qaimə faktura haqqında məlumat vermək istəyirik. Vergi Məcəlləsində təklif edilən dəyişiklik layihəsinə əsasən, Vergi Məcəlləsinə 71-1.5.12-ci maddəsi əlavə edilməsi gözlənilir:

71-1.5.12. alınmış avanslar barədə.
Avans barədə elektron qaimə-fakturanın göndərilmə vaxtına gəlincə isə, Vergi Məcəlləsinə 71-1.1.5-ci maddə əlavə edilməsi təklif edilir:

71-1.1.5. Bu Məcəllənin 71-1.5.12-ci maddəsində nəzərdə tutulmuş halda – avansın alındığı gün.
İndi isə dəyişikliyi misalla izah edək:

Misal. Vergi ödəyicisi 2024-cü ilin yanvar ayında qarşı tərəfə 30 000 manat məbləğində avans ödəmək istəyir. Dəyişikliklər təsdiq olduğu halda, avans alacaq şəxs mütləq olaraq qarşı tərəfə elektron qaimə-faktura göndərilməlidir. Qeyd edək ki, cari Vergi Məcəlləsinin tələblərinə əsasən, avans zamanı elektron qaimə-fakturanın təqdim edilməsi nəzərdə tutulmayıb.