Neft-qaz sektoru üzrə profisit azalıb, qeyri-neft sektoru üzrə kəsir artıb

2023-ci ilin üçüncü rübündə Azərbaycanın tədiyyə balansının cari əməliyyatlar hesabının (CƏH) profisi 6,7 milyard dollar təşkil edib.

Bunu keçirilən brifinqdə Azərbaycan Mərkəzi Bankının Statistika Departamentinin direktoru Samir Nəsirov deyib.

Onun sözlərinə görə, bu, ötən ilin eyni dövrünə nisbətən 2,6 dəfə azdır. Qeyd edək ki, 2022-ci ilin üçüncü rübündə CƏH-in profisiti 17,7 milyard dollar təşkil eymişdi.

Cari əməliyyatlar hesabının ÜDM-də payı 12,5 %-ni təşkil edib. Ötən ilin eyni dövründə bu rəqəm 30,7% olub.

Neft-qaz sektoru üzrə CƏH-in profisiti ötən ilin müvafiq dövrünə nəzərən 43,8% azalaraq 12,1 milyard dollar, qeyri-neft sektoru üzrə CƏH-in kəsiri isə 44,2% artaraq 5,4 milyard dollar məbləğində olub.