Mərkəzi Bank uçot dərəcəsini 8 faizə endirib

Azərbaycan Mərkəzi Bankının İdarə Heyətinin qərarı ilə uçot dərəcəsi 0,5 faiz bəndi azaldılaraq 8 faizə endirilib.

AMB-nin qərarına əsasən, faiz dəhlizinin aşağı həddi 7 faizdən 6,5 faizə, yuxarı həddi isə 9,5 faizdən 9 faiz səviyyəsinə endirilib.

Bu qərar faktiki və proqnozlaşdırılan inflyasiyanın hədəf dəhlizində (4±2%) olması, inflyasiya gözləntilərinin stabilləşməsi, eləcə də valyuta bazarında izafi təklif nəzərə alınmaqla verilib.

Bu qərar 21 dekabr 2023-cü ildən qüvvəyə minir. Faiz dəhlizinin parametrləri ilə bağlı qәrarların 2024-cü il üzrə ictimaiyyətə açıqlanması qrafiki bu ilin sonunda yayımlanacaq.