Tütün üçün aksiz vergisinin dərəcəsi nə qədərdir?

Müəssisəmiz yeni yaradılıb və tütün istehsalı ilə məşğul olmağı planlaşdırır. İstehsal olunan tütün üçün aksiz vergisinin dərəcələrində hər hansı dəyişiklik gözlənilirmi?

İqtisadiyyat Nazirliyi yanında Dövlət Vergi Xidmətindən bildirilib ki, Vergi Məcəlləsinin 1 yanvar 2023-cü ildən qüvvəyə minmiş müddəalarına əsasən, qəlyan üçün tütünlər və tütün əvəzləyicilərinin, istehsal məqsədli tütünlər istisna olmaqla digər çəkməli tütünlərin, “homogenləşdirilmiş” və ya “bərpa edilmiş” tütünlərin, çeynənilən və ya buruna çəkilən tütünlərin hər kiloqramına görə aksiz vergisi 30 manatdan 22 manata endirilib.

Əsas: Vergi Məcəlləsinin 190.3.14-cü maddəsi.