Altıgünlük iş rejimində bayram günləri necə tənzimlənəcək?

Bildiyimiz kimi, Nazirlər Kabinetinin “İş və istirahət günlərinin yerlərinin dəyişdirilməsi haqqında” müvafiq qərarına əsasən, beşgünlük iş həftəsi ilə fəaliyyət göstərən işəgötürənlər üçün cari həftə son iş günü 30 dekabr, bayramdan sonra ilk iş günü isə 7 yanvar tarixidir.

Bəs altıgünlük iş rejimində istirahət günləri necə tənzimlənəcək?

Dünya Azərbaycanlılarının Həmrəylik Günü olan 31 dekabr 2023-cü il tarixi bazar gününə təsadüf etdiyi üçün 03 yanvar 2024-cü il tarixi də qeyri iş günü hesab ediləcək. Bu səbəbdən də, altıgünlük həftəsi ilə fəaliyyət göstərən işəgötürənlər üçün cari həftə son iş günü 30 dekabr, bayramdan sonra ilk iş günü 4 yanvar tarixləri olacaq.