ƏMAS-da YENİLİK: İşəgötürənlər tərəfindən 18 mart 2024-cü il tarixindən bu halda işçini işə qəbul etməsinə MƏHDUDİYYƏT tətbiq ediləcək

ƏMAS-da YENİLİK: İşəgötürənlər tərəfindən 18 mart 2024-cü il tarixindən bu halda işçini işə qəbul etməsinə MƏHDUDİYYƏT tətbiq ediləcək



ƏMAS altsistemində işəgötürənlər üçün yeni xəbərdarlıq bildirişi yerləşdirilib. Həmin bildirişdə qeyd edilir ki, işəgötürənlər tərəfindən 18 mart 2024-cü il tarixindən əmək müqaviləsi bağlanan zaman boş iş yeri Əmək və Məşğulluq Alt sisteminin vakansiya bankında yer almazsa həmin iş yeri üzrə əmək müqaviləsi bildirişi bağlamaq texniki baxımdan mümkün olmayacaqdır. Yəni işəgötürən mütləq olaraq boş yeri ilə əlaqədar olaraq məlumatı vakansiya bankına göndərməlidir. Əks halda işə qəbul edilən şəxslə əmək müqaviləsi bildirişi imzalanmasını həyata keçirə bilməyəcək. Dövlət qurumu texniki olaraq həmin işçi üzrə əmək müqaviləsi bildirişi bağlanmasına məhdudiyyət tətbiq edəcək.

ƏMAS altsistemində qeyd edilən bildirişləri həmkarlarımızın diqqətinə çatdırırıq:

"İşəgötürənlərin nəzərinə!

18 mart 2024-cü il tarixindən əmək müqaviləsi bağlanan zaman boş iş yeri Əmək və Məşğulluq Alt sisteminin vakansiya bankında yer almazsa həmin iş yeri üzrə əmək müqaviləsi bildirişi bağlamaq texniki baxımdan mümkün olmayacaqdır.

Qeyd: Məlumat üçün bildiririk ki, Məşğulluq haqqında Azərbaycan Respublikası qanunun 18.3-cü maddəsinə əsasən İşəgötürənlər yeni iş yeri yarandığı və ya iş yeri boşaldığı gündən ən geci 5 (beş) iş günü müddətində əməkhaqqı göstərilməklə bu barədə məlumatları müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada və formada elektron informasiya sisteminə daxil etməlidirlər."