İşçi şikayət etdiyi halda Dövlət Əmək Müfəttişliyi Xidməti hansı sənədləri tələb edir?

İşçi şikayət etdiyi halda Dövlət Əmək Müfəttişliyi Xidməti hansı sənədləri tələb edir?



Qeyd etdiyimiz kimi, Dövlət Əmək Müfəttişliyi Xidməti işçinin şikayəti əsasında işəgötürəndən müəyyən sənədlər tələb etmək hüququna malikdir. Maraqlıdır ki, təcrübədə işçinin şikayətinin mötivindən asılı olmayaraq dövlət qurumu tərəfindən aşağıdakı sənədlər tələb edilir:

1. Bütün dövrlər üzrə işə qəbul əmrləri;
2. Bütün dövrlər üzrə əmək müqavilələri (əlavə və dəyişikliklərlə birlikdə);
3. Bütün dövrlər üzrə işdən azad olunma ilə bağlı əmrlər, ərizələr və sair;
4. Bütün dövrlər üzrə iş saatının uçotu sənədləri;
5. Bütün dövrlər üzrə əmək haqqı cədvəlləri;
6. Bütün dövrlər üzrə əmək haqqının ödənildiyini təsdiq edən sənədlər;
7. Bütün dövrlər üzrə son haqq-hesabın hesablanması cədvəlləri;
8. İşçinin işdən azad olunduğu dövr üzrə son haqq-hesabın ödənildiyini təsdiq edən sənədlər (bank çıxarışı və ya bank arayışı);
9. İşçinin çalışdığı dövr üzrə əmək məzuniyyətlərinin verilməsi ilə bağlı sənədlər (ərizələr, əmrlər, ödənişi təsdiq edən sənədlər və s.);
10. Müraciətə dair məktub (ətraflı izahat).