az
İşçinin istirahət günü ezamiyyətə getməsi necə tənzimlənir?
İşçinin istirahət günü ezamiyyətə getməsi necə tənzimlənir?
Xarici ölkələrə səfərlər zamanı mümkündür ki, işçinin ezamiyyətə göndərilməsinin başlanma tarixi istirahət gününə təsadüf etsin. Misal üçün, bəzi şəhərlər mövcuddur ki, Bakı şəhərindən həmin şəhərlərə gündəlik yox, həftənin müəyyən günlərində təyyarə reysləri var. Bu halda istirahət günü səfər edən işçiyə əlavə ödənişlər həyata keçirilməlidir.
Qaydaların “Ümumi müddəalar” bölməsinin doqquncu hissəsinə əsasən, təşkilat rəhbərinin tapşırığı ilə işçinin ezamiyyətə getdiyi və ezamiyyətdən qayıtdığı gün (günlər) istirahət və ya iş günü hesab edilməyən bayram gününə (günlərinə) düşərsə, həmin gün (günlər) üçün işçiyə əmək qanunvericiliyi ilə müəyyən edilmiş qaydada əlavə əmək haqqı və ya əlavə istirahət günü (günləri) verilir.
Mİsal. Almaniyaya ezam olunan işçinin təyyarə reysi bazar və ya iş günü hesab edilməyən bayram gününə təsadüf edir. Bu zaman işəgötürən tərəfindən işçiyə istirahət günü işə çıxdığı üçün əlavə ödəniş hesablanmalıdır. Ödənişin hesablanması zamanı Əmək Məcəlləsinin 164-cü maddəsinə uyğun olaraq hesablama aparılır. Əmək Məcəlləsinin 164-cü maddəsi üzrə əlavə əmək haqqının hesablanması “Əmək haqqı” bölməsində misallarla izah olunduğu üçün bu bölmədə təkrarçılığa yol vermirik..
Bəs, işçinin ezamiyyət dövrü istirahət günlərinə təsadüf edərsə, bu zaman da əlavə ödəniş hesablanmalıdır? Qaydalarda ezamiyyətə getdiyi və ezamiyyətdən qayıtdığı gün (günlər) istirahət və ya iş günü hesab edilməyən bayram gününə (günlərinə) düşməsi halı qeyd edilib. Fikrimizcə, işçinin ezamiyyə müddəti istirahət və ya iş günü hesab edilməyən bayram gününə (günlərinə) təsadüf edərsə, hər hansı əlavə ödəniş edilmir. Sadəcə, həmin günlər üçün ezamiyyə norması məbləğində ödənişlər digər günlərdə olduğu kimi həyata keçirilir.
Xarici ölkələrə səfərlər zamanı mümkündür ki, işçinin ezamiyyətə göndərilməsinin başlanma tarixi istirahət gününə təsadüf etsin. Misal üçün, bəzi şəhərlər mövcuddur ki, Bakı şəhərindən həmin şəhərlərə gündəlik yox, həftənin müəyyən günlərində təyyarə reysləri var. Bu halda istirahət günü səfər edən işçiyə əlavə ödənişlər həyata keçirilməlidir.
Qaydaların “Ümumi müddəalar” bölməsinin doqquncu hissəsinə əsasən, təşkilat rəhbərinin tapşırığı ilə işçinin ezamiyyətə getdiyi və ezamiyyətdən qayıtdığı gün (günlər) istirahət və ya iş günü hesab edilməyən bayram gününə (günlərinə) düşərsə, həmin gün (günlər) üçün işçiyə əmək qanunvericiliyi ilə müəyyən edilmiş qaydada əlavə əmək haqqı və ya əlavə istirahət günü (günləri) verilir.
Mİsal. Almaniyaya ezam olunan işçinin təyyarə reysi bazar və ya iş günü hesab edilməyən bayram gününə təsadüf edir. Bu zaman işəgötürən tərəfindən işçiyə istirahət günü işə çıxdığı üçün əlavə ödəniş hesablanmalıdır. Ödənişin hesablanması zamanı Əmək Məcəlləsinin 164-cü maddəsinə uyğun olaraq hesablama aparılır. Əmək Məcəlləsinin 164-cü maddəsi üzrə əlavə əmək haqqının hesablanması “Əmək haqqı” bölməsində misallarla izah olunduğu üçün bu bölmədə təkrarçılığa yol vermirik..
Bəs, işçinin ezamiyyət dövrü istirahət günlərinə təsadüf edərsə, bu zaman da əlavə ödəniş hesablanmalıdır? Qaydalarda ezamiyyətə getdiyi və ezamiyyətdən qayıtdığı gün (günlər) istirahət və ya iş günü hesab edilməyən bayram gününə (günlərinə) düşməsi halı qeyd edilib. Fikrimizcə, işçinin ezamiyyə müddəti istirahət və ya iş günü hesab edilməyən bayram gününə (günlərinə) təsadüf edərsə, hər hansı əlavə ödəniş edilmir. Sadəcə, həmin günlər üçün ezamiyyə norması məbləğində ödənişlər digər günlərdə olduğu kimi həyata keçirilir.