az
YENİ CƏRİMƏ: Nizamnamə kapitalının ödənilməsi ilə bağlı İnzibati Xətalar Məcəlləsinə dəyişiklik
YENİ CƏRİMƏ: Nizamnamə kapitalının ödənilməsi ilə bağlı İnzibati Xətalar Məcəlləsinə dəyişiklik
Hal-hazırda Milli Məclisin müzakirəsində olan qanun layihəsinə əsasən, İnzibati Xətalar Məcəlləsinə 405-1-ci maddənin əlavə edilməsi təklif edilir:
Maddə 405-1. Məhdud məsuliyyətli cəmiyyətin nizamnamə kapitalının tamamilə ödənilməməsi və ya ödənilmiş nizamnamə kapitalı barədə məlumatın verilməməsi
405-1.1. Azərbaycan Respublikasının Mülki Məcəlləsində nəzərdə tutulmuş müddətdə məhdud məsuliyyətli cəmiyyətin nizamnamə kapitalının tamamilə ödənilməməsinə görə - vəzifəli şəxslər min manat məbləğində, hüquqi şəxslər iki min manat məbləğində cərimə edilir.
İzah: Mülki Məcəllənin 90.2-ci maddəsinə əsasən, məhdud məsuliyyətli cəmiyyət təsis edilərkən əgər nizamnamə kapitalının ödənilməsi üçün vaxt müəyyən etməyiblərsə qeydiyyata alınanadək nizamnamə kapitalını ödəməlidirlər. Həmin maddənin ikinci hissəsində qeyd edilir ki, Məhdud məsuliyyətli cəmiyyətin nizamnaməsində nizamnamə kapitalının ödənilməsi müddətlə şərtləndirildiyi halda, bu müddət üç aydan çox ola bilməz.
Dəyişklik təsdiq edildikdən sonra, qeyd edilən müddətlərdə nizamnamə kapitalı tamamilə ödənilmədiyi halda, vəzifəli şəxslər min manat məbləğində, hüquqi şəxslər iki min manat məbləğində cərimə edilir.
405-1.2. Məhdud məsuliyyətli cəmiyyətin tamamilə ödənilmiş nizamnamə kapitalı barədə məlumatın “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda nəzərdə tutulmuş müddətdə müvafiq icra hakimiyyəti orqanının müəyyən etdiyi orqana (quruma) verilməməsinə görə - vəzifəli şəxslər beş yüz manat məbləğində, hüquqi şəxslər min manat məbləğində cərimə edilir.”;
Təklif edilən maddəyə əsasən, vergi ödəyicisi tamamilə ödənilmiş nizamnamə kapitalı barədə məlumatı Dövlət Vergi Xidmətinə verməlidir. Müddətə gəlincə isə, "Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa təklif edilən dəyişikliyə əsasən, Azərbaycan Respublikasının Mülki Məcəlləsində müəyyən edilən müddət ərzində tamamilə ödənilmiş nizamnamə kapitalı barədə 5 (beş) iş günü müddətində müvafiq icra hakimiyyəti orqanının müəyyən etdiyi orqana (quruma) məlumat verilməlidir.
Göründüyü kimi, vergi ödəyicisi 5 (beş) gün müddətində Dövlət Vergi Xidmətinə məlumat vermədiyi halda, vəzifəli şəxslər beş yüz manat məbləğində, hüquqi şəxslər min manat məbləğində cərimə ediləcək..
Hal-hazırda Milli Məclisin müzakirəsində olan qanun layihəsinə əsasən, İnzibati Xətalar Məcəlləsinə 405-1-ci maddənin əlavə edilməsi təklif edilir:
Maddə 405-1. Məhdud məsuliyyətli cəmiyyətin nizamnamə kapitalının tamamilə ödənilməməsi və ya ödənilmiş nizamnamə kapitalı barədə məlumatın verilməməsi
405-1.1. Azərbaycan Respublikasının Mülki Məcəlləsində nəzərdə tutulmuş müddətdə məhdud məsuliyyətli cəmiyyətin nizamnamə kapitalının tamamilə ödənilməməsinə görə - vəzifəli şəxslər min manat məbləğində, hüquqi şəxslər iki min manat məbləğində cərimə edilir.
İzah: Mülki Məcəllənin 90.2-ci maddəsinə əsasən, məhdud məsuliyyətli cəmiyyət təsis edilərkən əgər nizamnamə kapitalının ödənilməsi üçün vaxt müəyyən etməyiblərsə qeydiyyata alınanadək nizamnamə kapitalını ödəməlidirlər. Həmin maddənin ikinci hissəsində qeyd edilir ki, Məhdud məsuliyyətli cəmiyyətin nizamnaməsində nizamnamə kapitalının ödənilməsi müddətlə şərtləndirildiyi halda, bu müddət üç aydan çox ola bilməz.
Dəyişklik təsdiq edildikdən sonra, qeyd edilən müddətlərdə nizamnamə kapitalı tamamilə ödənilmədiyi halda, vəzifəli şəxslər min manat məbləğində, hüquqi şəxslər iki min manat məbləğində cərimə edilir.
405-1.2. Məhdud məsuliyyətli cəmiyyətin tamamilə ödənilmiş nizamnamə kapitalı barədə məlumatın “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda nəzərdə tutulmuş müddətdə müvafiq icra hakimiyyəti orqanının müəyyən etdiyi orqana (quruma) verilməməsinə görə - vəzifəli şəxslər beş yüz manat məbləğində, hüquqi şəxslər min manat məbləğində cərimə edilir.”;
Təklif edilən maddəyə əsasən, vergi ödəyicisi tamamilə ödənilmiş nizamnamə kapitalı barədə məlumatı Dövlət Vergi Xidmətinə verməlidir. Müddətə gəlincə isə, "Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununa təklif edilən dəyişikliyə əsasən, Azərbaycan Respublikasının Mülki Məcəlləsində müəyyən edilən müddət ərzində tamamilə ödənilmiş nizamnamə kapitalı barədə 5 (beş) iş günü müddətində müvafiq icra hakimiyyəti orqanının müəyyən etdiyi orqana (quruma) məlumat verilməlidir.
Göründüyü kimi, vergi ödəyicisi 5 (beş) gün müddətində Dövlət Vergi Xidmətinə məlumat vermədiyi halda, vəzifəli şəxslər beş yüz manat məbləğində, hüquqi şəxslər min manat məbləğində cərimə ediləcək..