ƏMAS altsistemdə əmək kitabçasın hansı bölmə əvəz etdi?

ƏMAS altsistemdə əmək kitabçasın hansı bölmə əvəz etdi?



İşə qəbul zamanı işəgötürənin namizədin əvvəlki iş yerlərindəki stajları haqqında necə məlumat əldə etməsi barədə məlumat verdik. Yeni dəyişiklikdən sonra işəgötürən yalnız namizədlə bağladığı əmək müqaviləsi hüquqi qüvvəyə mindikdən, yəni həmin şəxs “işçi” statusu əldə etdikdən sonra onun öncəki iş yerləri və vəzifələri haqqında məlumat əldə etmək imkanına malik olacaq.
Bunun üçün işəgötürən ƏMAS altsistemində “Onlayn əmək müqavilələri reyestri” bölməsindən “İşçinin köhnə əmək müqavilələri” altbölməsinə daxil olmalıdır:

Şəkildən göründüyü kimi “İşçinin köhnə əmək müqavilələri” bölməsi qismən də olsa işçinin əmək kitabçasını əvəz edir. Çünki həmin bölmədə işçinin şəxsi məlumatlarından əlavə aşağıdakı məlumatlar da əks olunur:

- İşəgötürənin VÖEN-i;
- İşəgötürənin adı;
- Müqavilənin nömrəsi;
- İşə qəbul tarixi;
- Xitam tarixi;
- Əsas və əlavə iş yerləri haqqında məlumat;
- Müqavilənin müddətli və ya müddətsiz olması haqqında məlumat;
- Xitam əmrinin ƏMAS sistemindəki nömrəsi;
- Vəzifəsi;
- Xitamın əsası olan Əmək Məcəlləsinin müvafiq maddəsi.