Hansı məqamlarda əmtəə-nəqliyyat qaiməsi təsdiqlənsə də qarşı tərəfə göndərilmir?

Hansı məqamlarda əmtəə-nəqliyyat qaiməsi təsdiqlənsə də qarşı tərəfə göndərilmir?



Mümkündür ki, vergi ödəyicisi elektron əmtəə-nəqliyyat qaiməsi təsdiq etsin, amma qarşı tərəfə göndərilməsinə ehtiyac olmasın. Bu cür hallara aşağıdakılar aid edilir:

- pərakəndə qaydada son istehlakçıya təqdim edilmiş malların daşınması;
Misal üçün, mebel istehsalı ilə məşğul olan vergi ödəyicisi malları alan şəxs olan vətəndaşın evinə aparır.
- pərakəndə qaydada təqdim edilmiş son istehlakçıdan qaytarılan malların daşınması;
Mümkündür ki, misalda qeydiyimiz şəxs mebelleri geri qaytarsın, bu zaman da mebel istehsalçısı elektron əmtəə-nəqliyyat qaiməsini təsdiqləsə də, qarşı tərəfə göndərmir.
- Ümumi istifadədə olan avtomobil yollarına çıxmaqla malların təsərrüfatdaxili daşınması;
Vergi ödəyicisi Binəqədi rayonunda olan anbardan məhsulları Nizami rayonundakı obyektə göndərirsə, bu zaman sənədin sadəcə təsdiqlənməsi lazımdır.
- idxal edilmiş və ya ixrac olunan malların ölkədaxili daşınması;
Vergi ödəyicisi malları Turkiyəyə ixrac edir və ya Türkiyədən mallar alır. Bu zaman həmin malların ölkədaxili daşınması üçün elektron əmtəə-nəqliyyat qaiməsi təsdiq edilir, qarşı tərəf qeyri-rezident olduğu üçün göndərilməsinə ehtiyac yaranmır.