YANLIŞ MƏLUMAT! ƏMAS Altsistemində əmək müqaviləsi bildirişləri onlayn əmək müqaviləsinə keçirilib?

YANLIŞ MƏLUMAT! ƏMAS Altsistemində əmək müqaviləsi bildirişləri onlayn əmək müqaviləsinə keçirilib?



Xəbər verdiyimiz kimi, ƏMAS altsistemində yeni dəyişiklik həyata keçirilib. ƏMAS altsistemində edilən dəyişiklik nəticəsinə elektron sənəd formasında bağlanmayan yəni "onlayn" əmək müqaviləsinə keçid etməyən işçilərin əmək müqaviləsi haqqında məlumatları ayrıca bölmə kimi yox, onlayn əmək müqavilələri eyni bölmədə qruplaşdırılır. Bəzi həmkarımız hesab edir ki, dövlət qurumu son dəyişiklik nəticəsində əmək müqaviləsi bildirişi formasında bağlanan əmək müqavilələrinin də avtomatik olaraq elektron sənəd formasında bağlanan əmək müqaviləsinə keçirib. Xeyr, qeyd edilən yanaşma tamamilə yanlışdır. Yeni dəyişiklikdə nəticəsində sadəcə iki fərqli menyuda qeyd edilən əmək müqavilələri bir menyuda qruplaşdırılıb.

Sual yarana bilər ki, əmək müqavilələri eyni bölmədə birləşdirdiyi halda, işəgötürən necə müəyyən edə bilər ki, hansı əmək müqavilələri "onlayn" əmək müqaviləsinə keçid edilməyib. Qeyd edilən halı müəyyən etmək üçün işəgötürən aktiv əmək müqavilələri reyestrini excel formasında yadda saxladıqdan sonra "Sənədin tipi" bölməsinə diqqət yetirməlidir:

Elektron sənəd formasında bağlanan yəni "onlayn" əmək müqaviləsi bağlanan işçilər üzrə aşağıdakı iki qrupda təsnifləşdirilir:

- Əmək müqaviləsi;
- Əmək müqaviləsinə dəyişiklik.

"Əmək müqaviləsi bildirişi" formasında qeyd edilən yəni "onlayn" əmək müqaviləsinə keçməyən işçilər üzrə qruplaşdırma aşağıdakı kimi olacaq:

- Əmək müqaviləsi bildirişi;
- Əmək müqaviləsi bildirişinə dəyişiklik.

Təsnfiləşdirilmədən göründüyü kimi, "sənədin tipi" menyusunda "əmək müqaviləsi bildirişi" məfhumundan istifadə edən sənədlərə aid edilən işçilərin əmək müqaviləsinin elektron sənəd formasına keçidi ƏMAS altsistemində həyata keçirilməyib.